NAMA KHOI MUNISIPALITEIT

REIS-EN VERBLYFTOELA ES

  Inleiding

Die jurisdiksiegebied van die Nama Khoi Munisipaliteit is dit wat deur die Afbakeningsraad voorgehou is.

  Buite jurisdiksiegebied  ( indien oornag )

Indien ‘n werknemer moet oornag buite die grense van die munisipaliteit se Hoofkantoor of Streekkantoor (gesien die setel van die amptenaar) is die volgende opsies van toepassing :

  1.      ‘n Bedrag van R370.00 per 24 uur en ‘n bedrag van R185.00 vir meer as 6 ure waar die werknemer nie oornag.  D.w.s. waar ‘n werknemer 30 ure weg van sy standplaas gaan wees en hy/sy oornag sal ‘n bedrag van  R 370 (24 uur) en R 185 (6 uur ) aan hom/haar betaal word.  Indien ‘n werknemer 27 ure weg van sy  standplaas gaan wees en hy/sy oornag sal die volgende betaalbaar wees, R 370 ( 24 uur) en toevallige werklike uitgawes ( etes ) vir die tydperk van 3 ure. 

   2.      R 60.00 ongeriefstoelae word ook betaal

of

   3 .     Werklike koste word betaal en wel as volg :

  Verblyf tot ‘n maksimum van R450.00 word direk aan die betrokke instansie betaal.  Indien die verblyf bedrag hierdie perk sou oorskry kan daar met vooraf toestemming van die Munisipale Bestuurder ‘n hoër bedrag betaal word.

 T.o.v. etes word die volgende bedrae aan die werknemer betaal:  Ontbyt – R25.00, Middagete – R30.00 en Aandete – R60.00 = R 115.00.  Indien die bedrag wat spandeer word minder was, moet die amptenaar die verskil terugbetaal. Voorlegging van bewyse word vereis

 R 60.00 per dag as ‘n ongeriefstoelae.

of

    Indien die geval waar ‘n betrokke instansie die volle kostes van reis en verblyf betaal is slegs ‘n bedrag van R60.00 as ongeriefstoelae betaalbaar.

 Buite jurisdiksiegebied ( nie oornag )

Reiskostes waar nie van Raadsvervoer gebruik gemaak word nie.

Slegs die bedrag van R60.00 as ongeriefstoelae sowel as etes ter sprake  en wel as volg:  Ontbyt – R 25.00, Middagete – R30.00 en Aandete – R60.00.  Voorlegging van bewyse word vereis.

 Binne jurisdiksiegebied ( indien oornag )

1    Verblyf word betaal met vooraf toestemming van die Munisipale Bestuurder.

2       Etes word betaal tot die maksimum van die volgende :

                        Ontbyt – R25.00

                        Middagete – R 30.00

                        Aandete – R 60.00

3      R 30.00 as ongeriefstoelae

   Binne jurisdiksiegebied  ( indien nie oornag )

1     ‘n Toelaag van R20.00 ( geld nie binne ‘n 50 km radius ) vir tydperke langer as 4 ure waar die kantoor verlaat word wat slegs betaalbaar is aan die einde van die maand.

2     Eise moet by betrokke hoofde ingedien word wat dit verifieer en deurgee aan die finansiële afdeling vir prossesering.

3     Paaiewerkers word hanteer soos huidiglik van toepassing totdat ‘n nuwe eenvormige dispensasie daargestel word.

    Algemeen

Indien reis en verblyfkostes aan werknemers betaal word en hulle vroeër terugkeer as wat aanvanklik op hul eisvorms aangedui is moet die hoofde van die betrokke departemente toesien dat terugbetalings aan die finansiële afdeling gedoen word.

   Parkering , Bus-of Taxifooie

Die maksimum wat kan geëis word is gekoppel aan die voorlegging van bewyse

   Internasionale reise

Die vlugkaartjie sowel as die verblyf word  deur die munisipaliteit gedra indien die betrokke instansie nie dit self betaal nie.  Persone ontvang verder ‘n dagtoelaag van $60 dollars gekoppel aan wat die heersende wisselkoers op daardie stadium is.