ONWETTIGE VARKSLAGTERY

 

Dit het onder ons aandag gekom dat daar baie onwettige bosslagtings van varke in die Nama Khoi area plaasvind. Die twee slagpales in Springbok slag glad nie varke nie.  Daar is egter ‘n geregistreerde varkslagpale op die plaas Klipfontein naby Springbok. Bosslagtings is onwettig en kan u vervolg word as daar gevind word dat u dit doen.  Verder kan enigeen met inligting oor onwettige varkslagtings  Me N Le Breton by die Nama Khoi Munisipale Kantore op Springbok skakel,  asook vir enige verdere inligting hieromtrent.

 

WATERBESPARING  -  Buite die huis

(Verlede keer het ons wenke gegee vir waterbesparing binne die huis)

 

→Moenie gras te veel water gee nie.  Gras het slegs water nodig elke 5 tot 7 dae in die somer  

    en in die winter elke 10 tot 14 dae.  As dit reën skakel  die natmaak van gras uit vir solank

    as 2 weke.

→Maak die gras vroeg in die oggend ure nat wanneer temperature laag is en die wind se

     spoed ook stadig is.

→Moenie die straat of die sypaadjies natmaak nie.  Stel jou sprinkelaars so dat die water op 

    die gras en plante beland en nie op die plaveisel nie.

→Installeer sprinkelaars wat waterdoeltreffend is vir elke gebruik.  Mikro- en drupbesproeiing

    is voorbeelde van doeltreffende metodes van besproeiing.

→Monitor gereeld die sprinkel sisteem en tydtoestel om te verseker dat dit behoorlik werk.

→Plant inheems en/of droogte vatbare grasse , bome en fynbos.  Eers gevestig,  het hulle nie

    nodig om gereeld nat gemaak te word nie want hulle oorleef droogte periodes sonder enige

     water.

→Moenie ‘n tuinslang gebruik om die oprit of sypaadjie skoon te maak nie,  gebruik liewer ‘n

    besem om die blare en ander vullis weg te vee.

→Maak gebruik van ‘n afsluitingspuitstuk op jou tuinslang wat kan verstel om fyn te sproei

     sodat dit net die nodige hoeveelheid water deurlaat.

→Gebruik wassers tussen proppe en waterpype om lekkasies uit te skakel.

→Moenie sprinkelaars en pype sonder toesig laat nie.  Jou tuinslang kan 2700 liter water of

     meer deurlaat in ‘n paar ure,  derhalwe moet u toesien dat die sprinkelaars nie heeldag loop

     nie. 

→Sien gereeld die pype, proppe en verbinders na.

→Oorweeg dit om gebruik te maak van besighede soos ‘n “car-wash” wat water herwin.  As jy

     jou motor was,  parkeer dit op die grasperk.

→ Vermy die installering van ornamentele fonteintjies veral as die water nie hersirkuleer nie.

→ Indien u ‘n swembad het,  oorweeg dit om van die nuwe waterbesparing swembadfilters

      gebruik te maak.                                                                                                                

 

HERNUWING VAN DIENSTE SUBSIDIES

 

Almal wie reeds kwalifiseer vir dienste subsidies word versoek om subsidies te hernu by hulle onderskeie dienspuntkantore vanaf

1 Mei 2005 tot 30 Junie 2005.

 

 

STEINKOPF     *      STEINKOPF      *      STEINKOPF

 

 

Aan alle verbruikers van Steinkopf:

 

Kom ons kyk terug na ‘n baie geseënde jaar.  Deur al die droogtes en ander probleme het u as verbruikers uitstekend gereageer op die oproep om ‘n beter betaalkultuur in Steinkopf te skep!

 

●        Ons betaalpersentasie op lopende rekeninge is die beste uit al 9 dorpe

●        Ons agterstallige skuld het oor die afgelope 18 maande vanaf 10,3 miljoen rand na 9,1 miljoen rand afgeneem,  ‘n allemintige 1,2 miljoen rand VERBETERING.

 

Die Raadslede,  Dienspunt personeel en Wykskomiteelede wens almal opreg te bedank vir hulle pragtige samewerking,  maar onthou die stryd duur voort,  ons kan nog verbeter!!!!

 

Uitdagings

 

●        Om die agterstallige skuld binne die volgende 3 maande tot minder as 9 miljoen rand te verbeter.

●        Om steeds ons lopende rekenings op datum te hou.

●        Om weer trots te wees op ons dorp.

 

DIE PRYS VIR U GETROUE BETALINGS

 

Ontwikkeling geskied in Steinkopf:

●        Paaie word gebou

●        Sportvelde word opgradeer

●        Sentrum word binnekort opgradeer

●        Uitgebreide Publieke Werke Programme

           gaan voort en vele meer word beplan.

 

BELANGRIK !!!!!

 

●        Baie verbruikers wie kwalifiseer vir subsidie op diensterekenings kom doen nie aansoek nie.

          Onthou indien u werkloos is,  u ‘n pensioenaris is of minder as R1 800,00 per maand verdien,  kom nou na die dienspunt en registreer as ‘n hulpbehoewende.

●        Kom doen aansoek vir afslag op u belasting indien u kwalifiseer.

●        Kom doen aansoek vir afbetalingsreëlings om u belasting in 12 maande af te betaal.

 

Datum van belang

 

●        Betaal u diensterekening voor of op die 25ste dag van elke maand.

 

 

WEEREENS BAIE DANKIE AAN ALMAL, 

KOM ONS DOEN NOG BETER !!!!

 

2 KILOLITER GRATIS WATER

 

Neem asseblief  kennis dat die Raad onlangs weens finansiële implikasies besluit het om nie meer die 2 kiloliter gratis water aan inwoners te voorsien  nie.