NAMA KHOI  MUNISIPALITEIT

DELIGASIES VAN BEVOEDHEDE

Die onderstaande lys van bevoedhede word tans deur die raad gewerkswinkel.

Artikel 151(2) van die Grondwet van die Republiek van Suid-Afrika, No 108 van 1996, (die Grondwet) bepaal dat die uitvoerende en wetgewende gesag van die munisipaliteit by sy munisipale Raad berus:  en

Artikel 32 van die Wet op Plaaslike Regering:  Munisipale Strukture, No 117 van 1998 (die Strukturewet) en artikel 59 van die wet op Plaaslike Regering.  Munisipale Stelsels, no 32 van 2000 (die Stelselswet) bepaal dat ‘n Munisipale Raad ‘n delegeringstelsel moet ontwikkel wat administratiewe en operasionele doeltreffendheid sal optimaliseer en vir voldoende wigte en teenwigte voorsiening sal maak ooreenkomstig gemelde stelsel.

DEEL 1:

ALGEMENE VOORWAARDES VAN DELEGASIE

Alle bevoegdhede en pligte wat gedelegeer word, moet, tensy anders aangedui, onderworpe aan die volgende voorwaardes uitgeoefen of verrig word:

1.             Geen afwyking van die bepalings van enige besluite van die Raad of beleid wat deur die Raad aanvaar is, mag toegelaat word nie.

2.             Geen uitgawes mag op, of die kapitaal- of die bedryfsrekening aangegaan word tensy daar vir sodanige uitgawes in die jaarlikse begroting voorsiening gemaak is en die uitgawes binne die begrote tydperk gehou word nie.

3.             Alle kontrakte wat aangegaan word, moet in terme van die aankope-beleid van die Raad wees op voorwaardes wat uitdruklik deur die Raad bepaal is, en onderworpe aan die goedkeuring, uit ‘n regsoogpunt, van die Bestuurder Korporatiewe Dienste en, uit ‘n finansiële oogpunt, van die Bestuurder Finansiële Dienste en uit ‘n Tegniese oogpunt van die Bestuurder Tegniese Dienste.

4.             Enige bevoegdheid om ‘n kontrak aan te gaan, sluit die magtiging in om in sodanige kontrak te onderteken en, waar sodanige ooreenkoms voorsiening daarvoor maak en tersaaklike regsremedies daarin vervat uitgeput is, te kanselleer.

5.             Die weiering van Enige goedkeuring waarvoor in die Munisipale Verordeninge voorsiening gemaak is, moet onderworpe wees aan appellering aan die komitee wat gemelde verordeninge administreer, of indien daar geen komitee is aan wie die Raad sodanige bevoegdhede gedelegeer het nie, die Uitvoerende Komitee.

6.             Die uitoefening van bevoegdhede betreffende personeel is onderworpe aan die toepaslike verordeninge of ooreenkomste wat in verband met personeelaangeleent-hede aangegaan is.

7.             Die Raad kan ter eniger tyd ‘n beampte gelas om ‘n saak nie kragtens sy gedelegeerde bevoegdheid af te handel nie, maar om dit aan die Raad vir oorweging en afhandeling voor te lê.

8.             Alhoewel ‘n funksie, bevoegdheid of plig aan ‘n beampte gedelegeer is, kan so ‘n beampte die betrokke aangeleentheid aan die Munisipale Bestuurder of die Raad vir oorweging en afhandeling voorlê.  Die Munisipale Bestuurder kan ‘n Bestuurder van ‘n Departement ter enige tyd gelas om ‘n saak nie kragtens ‘n gedelegeerde bevoegdheid af te handel nie, maar om dit aan hom vir oorweging en beslissing voor te lê.

9.             Die delegasie van aangeleenthede wat met die personeel en ander werknemers van die Munisipaliteit verband hou, afgesien van hulle diensvoorwaardes en dissiplinêre maatreëls, is onderworpe aan oorlegpleging met die vakbonde en, waar nodig, met die Arbeidsverhoudingeforum, en waar ooreenkoms nie oor die betrokke aangeleentheid bereik kan word nie, moet die aangeleentheid vir beslissing aan die Uitvoerende Komitee verwys word.

10.         Enige delegasie van bevoegdhede, funksies en pligte wat verband hou met aangeleenthede wat deur die munisipaliteit se Diensvoorwaardes gedek word, moet onderworpe aan sodanige Diensvoorwaardes uitgeoefen of verrig word.

11.         Delegering aan ‘n beampte wat nie die Munisipale Bestuurder of ‘n Departementshoof (Bestuurder) is nie, moet onderworpe wees aan Enige opdragte wat die Munisipale Bestuurder of die Departementshoof (Bestuurder) uitgereik, en die delegasie sal tot ‘n einde kom indien enigeen van gemelde beamptes die betrokke beamptes skriftelik opdrag gee dat hy of sy moet ophou om die bevoegdheid, funksie of plig wat gedelegeer, uit te oefen.

12.         Alle bevoegdhede, funksies en pligte wat aan Departementshoofde (Bestuurder) gedelegeer is, mag net ten opsigte van die Departement van die betrokke Departementshoof (Bestuurder) uitgeoefen word, tensy magtiging uitdruklik andersins verleen is.

13.         Ongeag die feit dat ‘n Munisipale bevoegdheid, plig, funksie of magtiging van ‘n politieke struktuur (Raad), politieke ampsbekleër (Burgemeester en Speaker), Raadslid of personeellid gedelegeer is, het die persoon aan wie gemelde gedelegeer is, die gesag om ‘n besluit in terme van sy/haar gedelegeerde bevoegdhede te neem, tensy die Raad ‘n beperkte bevoegdheid, plig, funksie of magtiging delegeer wat ‘n verslag met aanbevelings van ‘n hoër gesag vereis.

14.         ‘n Delegasie of opdrag sluit die bevoegdheid in om ‘n gedelegeerde bevoegdheid te subdelegeer, onderworpe aan Enige beperkings voorwaardes en opdragte wat gestel mag word.

15.         ‘n Delegasie of opdrag ontneem nie die Raad die verantwoordelikheid betreffende die uitoefening van die bevoegdheid of die verrigting van die plig nie.

16.         Ingevolge artikel 32(3) van die strukturewet en artikel 59 (3) van die Stelselswet, kan die Munisipale Raad ooreenkomstig prosedures in sy Standaardverordening insake die Prosedure en Handhawing van Orde op Vergaderings, of moet, op skriftelike versoek van minstens ‘n kwart van die Raadslede, Enige besluit wat deur so ‘n politieke struktuur, politieke ampsbekleër, ‘n Raadslid of personeellid ten opsigte van ‘n delegasie of opdrag geneem is, hersien en die besluit bevestig, verander of herroep behoudens Enige regte wat aan ‘n persoon mag toegeval het.

17.         Appélle en hersienings word behoudens die bepalings van artikel 62 van die Stelselwet, saamgelees met die Standaardverordening insake die prosedure en handhawing van orde op vergaderings, nagekom word.

18.         Die plig om aan delegerende owerhede verslag te doen, moet ingevolge artikel 63 van die Stelsels wet, saamgelees met die Standaardverordening insake die prosedure en handhawing van orde op vergaderings, nagekom word.

DEEL 2:

AANGELEENTHEDE GERESERVEER VIR DIE RAAD

Die volgende aangeleenthede word nie gedelegeer nie en moet die Munisipale Raad besluit word.

A.    AANGELEENTHEID GERESERVEER IN ARTIKEL 160(2) VAN DIE GRONDWET

(1)           Die goedkeuring van verordeninge

(2)           Die goedkeuring van begrotings

(3)           Die heffing van eiendomsbelastings, heffings en gelde;

(4)           Die opneem van lenings.

B.         ANDER AANGELEENTHEDE VERMELD IN ARTIKEL 59(1)(a) VAN DIE STELSELWET

(1)           Die bevoegdheid om tariewe vas te stel;

(2)           Besluite om ‘n diensleweringsooreenkoms aan te gaan of om sodanige ooreenkoms te wysig of te kanselleer;

(3)           Goedkeuring of wysiging van die Munisipaliteit se Geïntegreerde Ontwikkelingsplan.

C.         STATUTÊRE PLANNE

(1)          Die aanneming van en wysigings aan ‘n waterdienste-ontwikkelingsplan, as waterdienste-owerheid, ingevolge die Wet op Waterdienste, No108 van 1997;

(2)          Die goedkeuring van grondontwikkelingsdoeleindes ingevolge die Wet op Ontwikkelingsfasilitering, No 67 van 1995;

(3)          Die goedkeuring van enige ander statutêre planne ingevolge die betrokke wetgewing.

D.        MENSLIKE HULPBRONNE

(1)          Die aanstelling en ontslag van ‘n persoon in en uit die pos van Munisipale Bestuurder, en Departementshoofde (nie in UK opgeneem).

(2)          In oorleg met die Munisipale Bestuurder permanente poste te skep en aan en af te skaf en om posbenamings te verander.

(3)          Die uitbreiding of die vermindering van die aktiwiteite van enige departement of afdeling, die stigting van Enige nuwe departement of afdeling, die herstruktuering van administrasie en die afskaffing van Enige bestaande department of afdeling van die Munisipaliteit;

(4)          Die verleen van goedkeuring van ‘n personeellid van die Munisipaliteit ingevolge item 4(2) van die gedragskode vir Munisipale Personeellede (Bylae 2 van die Wet op Munisipale Stelsels om:

(a)           ‘n party te wees by ‘n kontrak vir

i)           die verskaffing van goedere of dienste aan die Munisipaliteit;  of

ii)         die verrigting van enige werk vir die Munisipaliteit;  buiten as ‘n personeellid;

(b)          ‘n finansiële belang in enige sake-onderneming van die Munisipaliteit te verkry;  of

(c)            betrokke te wees by enige sake-onderneming, bedryf of beroep behalwe Munisipale werk.

E.         FINANSIEËL

(1)          Bo en behalwe die finansiële aangeleenthede gemeld in paragrawe A en B hierbo:

(2)          Die aangaan van Enige uitgawes wat ingevolge die goedkeurende begrotings uit leningsmagtigings en leenfondse of uit voorskotte uit die kapitaalfonds wat deur die Raad ingestel is, gefinansier moet word.

(3)          Onderworpe aan die aankope beleid van die Raad die magtiging van Enige uitgawes waarvoor daar nie in die goegekeurde begrotings voorsiening gemaak is nie.

(4)          Die skenking van geld of dienste waar daar nie in die begroting van die Raad vir sodanige uitgawes voorsiening gemaak is nie.

(5)          Die aanstelling van ‘n Ouditkomitee.

(6)          Die oorweging van die volgende verslae oor die finansiële aangeleenthede:

(6.1)     Verslae van die Ouditkomitee;

(6.2)     Verslae oor die Stand van die Begroting;

(6.3)     Verslae oor die Ongemagtige Uitgawes;

(6.4)     Formasiestaat oor Beoogde Skuld;  (aangaan van lenings)

F.          DORPSGEBIEDE, GROND EN INFRASTRUKTUUR (na UK )

(1)          Die aankoop of onteiening van onroerende eiendom, (werklike regte en grond) wat by die munisipaliteit berus.

(2)          Die vervreemding van onroerende eiendom wat deur die Munisipaliteit besit of beheer word of by hom berus.

(3)          Die Verhuring van huur van grond wat deur die Munisipaliteit besit of beheer word of by hom berus, indien die verhurings- of huurtermym tien jaar of langer is.

(4)          Die goedkeuring van die bou en verbouing van en veranderings aan openbare parke en sport- en rekreasie- en vakansiefasiliteite, en die benaming van sodanige parkfasiliteite en oorde.

(5)          Die goedkeuring van die aanlê van strate, paaie en deurgange en die benaming daarvan, asook die benaming van nuwe uitbreidings van die dorp of die wysiging van die bestaande name.

(6)          Die oorweging van alle aansoeke om die stigting van die nuwe dorpsgebiede, stigtingvoorwaardes, uitkeergelde, die voorwaardes vir die voorsiening van noodsaaklike dienste in dorpsgebiede en die verlening van enige toestemming ooreenkomstig die stigtingsvoorwaardes wat vir die Raad gereserveer is.

(7)          Die benaming en permanente sluiting van strate, openbare oop ruimtes en ander openbare plekke.

(8)          Die identifisering van grond vir, en oprigting van, permanente munisipale geboue.

(9)          Die vervreemding van grond of regte oor grond wat aan die Raad behoort of onteiening.

G.        AANGELEENTHEDE WAT MET RAADSLEDE VERBAND HOU

(1)          Toestemming vir die afwesigheid van ‘n Raadslid van ‘n Raadsvergadering en die instel van sanksies teen die raadslede vir die nie-bywoning van vergaderings, soos bepaal in Item 4 van die Gedragkode vir Raadslede.   (Bylae 5 van die Strukturewet)

(2)          Om toestemming aan ‘n Raadslid te verleen ingevolge Item 6(2) van die Gedragkode vir Raadslede om:

(a)            ‘n Party te wees tot of voordeel te trek uit ‘n kontrak vir:

i)            die verskaffing van goedere en dienste aan die munisipaliteit,  of

ii)           die verigting van enige werk behalwe in die hoedanigheid van as ‘n Raadslid vir die Munisipaliteit

                  (b)      ‘n Finnansiële belang in enige sake-onderneming van die munisipaliteit te verkry,   of

(c)            Vir ‘n fooi of ander oorweging ten behoewe van enige ander persoon voor die Raad of ‘n komitee te verkry

H.        ALGEMEEN

(1)          Om Raadskomitees in te stel en om opdragte aan die komitees toe te wys, te wysig of te onttrek.

(2)          Om voorleggings oor die grense van jurisdiksiegebiede en wyke, of enige veranderings daarvan, van die munisipaliteit te doen, asook oor enige aangeleenthede wat met afbakening verband hou wat die munisipaliteit raak.

(3)          Om oorsese reise goed te keur en om skriftelike verslae oor sodanige reise wat deur Raadslede of beamptes onderneem is, te oorweeg.

(4)          Om samewerkingsooreenkomste wat die munisipaliteit met ander plaaslike owerhede, instansies en persone aangaan, goed te keur.

(5)          Om ereburgerskap aan enige persoon of instansie toe te ken.

(6)          Enige ander bevoegdheid wat nie uitdruklik hierbo gemeld is nie in verband met enige aangeleentheid waarvoor die goedkeuring van enige Nasionale Minister of Provinsiale LUR vereis word ten opsigte waarvan die reg van appél tot die Premier of enige ander staatsorgaan behou word.

(7)          Om enige ander bevoegdhede, funksies en pligte te verrig wat ingevolge enige ander wetgewing nie deur die Raad gedelegeer mag word nie.

(8)          Om enige aangeleentheid te oorweeg wat óf die Uitvoerende Komitee óf die Munisipale Bestuurder beskou as ‘n saak van nuwe beleid of as belangrik genoeg om ‘n besluit deur die Raad te regverdig.

DEEL 3

UITVOERENDE KOMITEE

Die betrokke bevoegdhede wat nie gedelegeer kan word nie, is die volgende:

1.          Om verordeninge te maak;

2.          Om eiendomsbelasting te hef of kwyt te skeld;

3.          Om heffings te maak of gelde te hef en om sodanige heffings of gelde te verminder;

4.          Om lenings bevoegdhede te verkry en om lenings aan te gaan;

5.          Om die Raad se Geïntegreerde Ontwikkelingsplan goed te keur;

6.          Ander aangeleenthede vermeld in artikel 160(20) van die Grondwet van die RSA, No 108 van 1996.

Die Raad delegeer hierby ooreenkomstig artikel 32 van die Strukturewet die volgende bevoegdhede, funksies en pligte aan die Uitvoerende Komitee:

1.           Die Uitvoerende Komitee is daarop geregtig om verslag van die Munisipale Raad te ontvang en om dié verslae saam met ‘n aanbeveling(s) aan die Raad voor te lê wanneer die Uitvoerende Komitee nie ingevolge die gedelegeerde byvoegdheid oor die aangeleentheid kan beskik nie.

2.           Die Uitvoerende Komitee moet ingevolge artikel 44 van die Strukture Wet –

(a)           Die behoeftes van die munisipaliteit identifiseer;

(b)          Die behoeftes van rangorde van prioriteit hersien en evalueer;

(c)           Strategieë, programme en dienste by die Munisipale Raad aanbeveel om deur die Geïntegreerde Ontwikkelingsplan in voorkeurbehoeftes te voorsien, asook ramings van inkomste en uitgawes, met inagneming van enige toepaslike nasionale en provinsiale Ontwikkelingsplanne;  en

(d)          Die beste wyse, met inbegrip van vennootskappe en ander benaderings, aanbeveel of bepaal om die strategieë, programme en dienste te implementeer, tot die maksimum voordeel van die gemeenskap.

3.          Die Uitvoerende Komitee moet –

(a)           Kriteria identifiseer en ontwikkel waarvolgens vordering met die implementering van die strategieë, programme en dienste gemeld in subartikel (2)(c) geëvalueer kan word, met inbegrip van sleutelprestasie-aanwysers wat spesifiek vir die betrokke munisipaliteit geld en algemeen tot plaaslike regering in die breë is;

(b)          Vordering teen die sleutelprestasie-aanwysers evalueer;

(c)           Die prestasie van die munisipaliteit hersien ten einde die volgende te verbeter-

(i)              die ekonomies doeltreffendheid en effektiwiteit van die munisipaliteit;

(ii)            die doeltreffendheid van kredietbeheer, inkomste en skuldvorderings-dienste;  en

(iii)           die implementering van die munisipaliteit se verordeninge;

(d)          die bestuur van die munisipaliteit se administrasie aan die hand van die opdragte van die Munisipale Raad monitor;

(e)           toesien dat die dienste aan die gemeenkappe in die munisipaliteit op ‘n Volhoubare wyse gelewer word;

(f)            sodanige pligte uitvoer en bevoegdhede uitoefen as wat die Raad ingevolge artikel 32 van die Strukturewet aan hom delegeer;

(g)           jaarlikse verslag doen oor die betrokkenheid van gemeenskappe en gemeen-skaporganisasies in sake van die munisipaliteit,   en

(h)           verseker dat die standpunte van die publiek in aanmerking geneem word en oor die uitwerking van konsultasie op die besluit van die raad verslag doen.

4.           By die uitoefening van die Uitvoerende Komitee se funksies en bevoegdhede mag geen uitgawe aangegaan word waarvoor daar nie in die goedgekeurde begroting voorsiening gemaak is nie.

5.          Alhoewel die bevoegdheid om ‘n saak af te handel aan die Uitvoerende Komitee gedelegeer is kan die Uitvoerende Komitee sodanige saak steeds met sy aanbeveling vir beslissing na die Raad verwys.

6.          Die Raad kan die Uitvoerende Komitee te eniger tyd gelas om ‘n saak nie kragtens  ‘n gedelegeerde bevoegdheid af te handel nie, maar om dit aan die Raad vir oorweging en afhandeling voor te lê.

7.          Om enige aangeleentheid te oorweeg wat aan die Raad ingevolge die bepalings van enige wet toevertrou of van plaaslike bestuursaard is.  Uitgesluit enige aangeleentheid wat die Raad die Uitvoerende Komitee versoek het om nie te oorweeg nie en die Raad in verband daarmee van advies te bedien en aanbevelings aan hom te doen.

8.          Om mettertyd by gewone vergaderings van die Raad verslag te doen oor die uitoefening van sy funksies.

9.          Om uit eie beweging stappe te doen, wat binne die bevoegdheid van die Raad is vir die beskerming van die personeel of die eiendom van die Raad of eiendom onder die Beheer van die Raad teen aanvalle of sabotasie.

10.      Om verlof van die Munisipale Bestuurder goed te keur deur middel van die Voorsitter van die Uitvoerende Komitee, of enige ander lid, na gelang van die beskikbaarheid van die Voorsitter.

11.      Dit in-beginsel goedkeuring (aanbeveling) van die begroting en van oorskryding op begrotingsposte.

12.      Funksioneer as aanstellingskomitee ingevolge die Aanstellingsbeleid.

13.      Verteenwoordig die Raad saam met die betrokke amptenaar by die Bedingingsraad versoeningstake en wel deur die Burgemeester en/of enige ander lid van die UK soos bepaal deur die UK , die derde lid is sekunde vir enige van bogenoemde.

14.      Magtiging om tydens CCMA verhore in die beste belang van die Raad te getuig.

15.      Funksioneer saam met die Munisipale Bestuurder (wat die Voorsitter is) as appél meganisme by appélverhore, indien die Burgemeester of enige genomineerde lid van die UK nie beskikbaar is nie staan die derde Uitvoerende Komitee-lid as sekunde in.

DEEL 4

KOMITEES VAN RAAD

Die volgende komitees is reeds ingevolge artilkel 79 van die Strukturewet ingestel en het volmag aangaande die oorweging van die maandverslae van die onderskeie dissiplines soos aangetoon.  Die verteenwoordigers van die onderskeie komitees word as aanhangsels hierby ingebind.

DEEL 5

MUNISIPALE BESTUURDER EN BESTUURDERS VAN DEPARTEMENTE

VOORWAARDES VAN DELEGERING VAN BEVOEGDHEDE AAN MUNISIPALE BESTUURDER EN BESTUURDERS VAN DEPARTEMENTE.

Die delegering van die bevoegdhede aan die Munisipale Bestuurder en Departements-hoofde is onderworpe aan die volgende voorwaardes:

1.           By die uitoefening van gedelegeerde bevoegdhede moet die Munisipale Bestuurder en Departementshoofde nie van ‘n besluit van die Raad, of van ‘n Wetlike bepaling of ooreenkoms deur die raad aangegaan, afwyk nie en geen uitgawe aangaan waarvoor daar nie in die begroting voorsiening gemaak is nie.

2.           Die weiering van enige toestemming of vergunning is onderworpe aan appél by die Munisipale Bestuurder of die Raad (wat die geval ookal mag wees) en by enige sodanige weiering moet die aansoeker skriftelik van die rede vir die weiering sowel as van sy reg van appél verwittig word.

3.           Die uitoefening van bevoegdhede betreffende personeel is onderworpe aan die toepaslike wetgewing of ooreenkomste wat in verband met personeel aangeleent-hede aangegaan is.

4.           Die Raad kan te eniger tyd ‘n beampte gelas om ‘n saak nie kragtens sy gedelegeerde bevoegdheid af te handel nie, maar om dit aan die Uitvoerende Komi-tee of die Raad vir oorweging en afhandeling voor te lê.

5.           Nieteenstaande dat ‘n funksie, bevoegdheid of plig aan ‘n beampte gedelegeer is, kan so ‘n beampte die betrokke aangeleentheid aan die Munisipale Bestuurder, of die Uitvoerende Komitee of die Raad vir oorweging en afhandeling voorlê.

6.           Die Munisipale Bestuurder kan ‘n hoof van ‘n Departement te eniger tyd gelas om ‘n saak nie kragtens ‘n gedelegeerde bevoegdheid af te handel nie, maar om dit aan hom vir oorweging en beslissing voor te lê.

DELEGASIES AAN:

Munisipale Bestuurder

                  Sien Aanhangsel A

Adjunk Munisipale Bestuurder

                  Sien aanhangsel B

Bestuurder:  Korporatiewe Dienste

                  Sien Aanhangsel C

Bestuurder;  Finansiële Dienste

                  Sien Aanhangsel D

Bestuurder:  Tegniese Dienste

                  Sien Aanhangsel E

Bestuurder:  Omgewingsgesondheid

                  Sien Aanhangsel F

Bestuurder:  Beskermingsdienste

                  Sien Aanhangsel G

AANHANSEL A

MUNISIPALE BESTUURDER

1.           Die Munisipale Bestuurder, wat ingevolge artikel 82 van die Strukturewet en artikel 55 van die Munisipale Stelselswet aangestel word:-

(a)           is die hoof van die munisipale administrasie

(b)          is die rekenpligte beampte van die munisipaliteit

2.           As Hoof van administrasie is die Munisipale Bestuurder behoudens die beleidaanwysings van die Munsipale Raad, verantwoordbaar vir die volgende administratiewe funksies: –

(a)           Die totstandkoming en ontwikkeling van ‘n ekonomiese, effektiewe en verantwoordbare administrasie wat –

(i)              Toegerus is om die taak van die implementering van die munisipaliteit se geïntegreerde ontwikkelingsplan ooreenkomstig Hoofstuk 5 van die wet op Munisipale Stelsels uit te voer;

(ii)            Ooreenkomstig die munisipaliteit se prestasiebestuurstelsel ooreenkom-stig Hoofstuk 6 van die Wet op Munisipale Stelsels optree;  en

(iii)           Gehoor gee aan die behoeftes van die plaaslike gemeenskap om aan die sake van die munisipaliteit deel te neem.

(b)          Die bestuur van die munisipaliteit se administrasie ooreenkomstig die Stelselwet en ander wetgewing wat op die munisipaliteit van toepassing is.

(c)           Die implementering van die Munisipaliteit se geïntegreerde ontwikkelingsplan en die monitering van vordering met implementering van die plan. (Gesubdelegeer aan Adjunk Munisipale Bestuurder)

(d)          Die bestuur van diensverskaffing (Aanstellingsbeleid) aan die plaaslike gemeenskap op ‘n Volhoubare en billike wyse.

(e)           Die aanstelling van personeel anders dan die bedoel in artikel 56 (a) van die Stelselswet, behoudens die wet op Diensbillikheid, 55 van 1998 in terme van die Aanstellingsbeleid.

(f)            Die bestuur, effektiewe gebruik en opleiding van personeel.  (Gesubdelegeer aan Adjunk Munisipale Bestuurder)

(g)           Die handhawing van personeeldissipline.  (Gesubdelegeer aan Adjunk Munisipale Bestuurder)

(h)           Die Bevordering van gesonde arbeidsverhoudinge en nakoming deur die munisipaliteit van toepaslike arbeidswetgewing.  (Gesubdelegeer aan Adjunk Munisipale Bestuurder)

(i)             Die advisering van die politieke strukture en politieke ampsbekleërs van die Munisipaliteit. 

(j)            Die bestuur van mededelings tussen die Munisipaliteit se administrasie en die uitvoering van die besluite van die politieke strukture en politieke ampsbekleërs van die Munisipaliteit.

(k)          Die administrasie en implementering van die Munisipaliteit se verordeninge en ander wetgewing.   (Gesubdelegeer aan Adjunk Munisipale Bestuurder)

(l)             Die uitoefening van enige bevoegdhede en die verrigting van enige pligte.  Wat ingevolge artikel 59 van die Stelselswet aan die Munisipale Bestuurder deur die Munisipale Raad gedelegeer word, of gesubdelegeer word deur ander delegerende owerhede van die Munisipaliteit.

(m)         Die fasilitering van deelname deur die plaaslike gemeenskap in die sake van die Munisipaliteit

(n)           Die ontwikkeling en instandhouding van ‘n stelsel waardeur gemeenskaps-tevredenheid met Munisipale dienste bepaal word.

(o)          Die Implementering van nasionale en provinsiale wetgewing wat op die Munisipaliteit van toepassing is;   en

(p)          Die verrigting van enige ander funksies wat deur die Munisipale Raad opgedra mag word.

3.           As rekenpligtige beampte van die Munisipaliteit, is die Munisipale Bestuurder verantwoordelik en verantwoordbaar vir –

(a)           Alle inkomste en uitgawes van die Munisipaliteit;

(b)          Alle bates en die nakoming van alle verpligtinge van die munisipaliteit;

(c)           Behoorlike en noulettende nakoming van toepaslike wetgewing oor Munisi-pale finansiële bestuur.

GESUBDELEGEER AAN

4.           Die oorplasing van personeel van een departement na ‘n ander departement binne die voorskrifte van die Standaard Diensvoorwaardes na oorlegpleging met die onderskeie Departementshoofde en Munisipale Bestuurder.  (Gesubdelegeer aan Adjunk Munisipale Bestuurder)

5.           Die versoek en goedkeuring vir die hervatting van sy werk voordat ‘n Bestuurder se vakansieverlof verstryk het.

6.           Om die aansoeke om verlof van Departementshoofde  goed te keur en om in oorleg met ‘n betrokke departementshoof , spesiale verlof toe te staan waar dit geregverdig is.  (Ingevolge die verlofbeleid.).  (Gesubdelegeer aan Adjunk Munisipale Bestuurder)

7.           Om kantore, werkplekke en geriewe aan die onderskeie departemente van die Raad toe te ken na oorlegpleging met die Munisipale Bestuurder en Bestuurders van Departemente. (Gesubdeligeer na Adjunk Munisipale Bestuurder.)

8.           Die goedkeuring aan Bestuurders vir bywoning van kongresse, werkswinkels, jaarvergaderings, ens.  Ooreenkomstig die Beleid van die Raad en onderhewig daaraan dat voldoende voorsiening op die begroting gemaak is om die uitgawe te dek. (Gesubdeligeer na Adjunk Munisipale Bestuurder.)

9.           Die goedkeuring vir die betaling van reis- en verblyfkoste ingevolge die Raad se goedgekeurde skema, met inbegrip van etes en die opsie van lugvervoer vs padvervoer.  (Gesubdelegeer aan Adjunk Munisipale Bestuurder)

10.       Om aankope van goedere en dienste en die uitvoering van werke ingevolge die toepaslike verordeninge tot ‘n maksimum waarde van R100 000.00 per keer te magtig soos van tyd tot tyd deur die Raad bepaal.

11.       Om alle bevoegdhede wat ooreenkomstig die bepalings van wetgewing insake burgerlike beskerming as hoof van burgerlike beskerming op te tree.  (Gesubdelegeer aan die Bestuurder Korporatiewe Dienste)

12.       Om reklame aangeleenthede te beheer met in begrip van die plasing van reklame-advertensies in die koerante en ander publikasies teen ‘n koste van hoogstens ‘n bedrag wat van tyd tot tyd deur die Raad bepaal per plasing

13.       Om toestemming te verleen vir die gebruik van die amptelike munisipale wapen by sekere geleenthede.  (Gesubdelegeer aan die Bestuurder Korporatiewe Dienste)

14.       Goedkeuring vir die betaling van behuisingshulp te verleen.  (Behuisingsubsidies van werknemers).    (Gesubdelegeer aan die Bestuurder Finansiële Dienste)

15.       Om in oorleg met die Bestuurder Tegniese Dienste en Bestuurder Korporatiewe Dienste goedkeuring te verleen aan ontwikkelingsplanne in gevolge die Sonering-skema ten opsigte van eiendomme gesoneer as Residensieel 1,2 en 3 met dien verstande dat alle probleeemgevalle na die Uitvoerende Komitee vir beslissing verwys word.  (Gesubdelegeer aan Adjunk Munisipale Bestuurder)

16.       Die magtiging van terugbetaling van behuisingkoste aan amptenare wat diens by die Raad aanvaar ooreenkomstig die beleid van die Raad soos van tyd tot tyd van toepassing.  (Gesubdelegeer aan die Bestuurder Finansiële Dienste)

17.       Die ondertekening van vrywarings ten gunste van die Pensioenfonds ten opsigte van kollaterale beleggings deur die Raad met betrekking tot behuisingslenings aan amptenare.  (Gesubdelegeer aan die Bestuurder Finansiële Dienste na oorlegple-ging met die Hoof van die Personeelkantoor)

18.       Om ooreenkomste namens die Raad in oorleg met die UK te sluit en waar nodig ooreenkomste te kanselleer met in ag nemings van die kansellasie bepalings van elke afsonderlike ooreenkoms.

19.       Die bevoegheid om waterbeperkingsmaatreëls in krisis situasies in te stel.

20.       Die ondertekening van alle kontrakte namens die raad,  (insluitend transportprokurasies of enige gepaard-gaande inligting wat in die afwesigheid van die Bestuurder Finansiële Dienste onderteken sal word.)

21.       Magtiging in die goedkeuring en ondertekening van tjeks.  Goedkeuring in die uitreiking van tjeks.

22.       Magtiging om uitgawes vir verversings wat met nooddienste verband hou, tot ‘n bedrag van R500.00 te magtig sonder voorlegging aan die Raad.  (Gesubdelegeer aan Adjunk Munisipale Bestuurder)

23.       Die amptelike woordvoerder van die Raad vir die uitreik van persverklarings of magtiging aan ‘n spesifieke Bestuurder om ‘n persverklaring uit te reik of die media te woord te staan oor ‘n spesifieke aangeleentheid.

24.       Magtiging om die vervoertoelae soos voorgeskryf van maand tot maand goed te keur en te implementeer.  (Gesubdelegeer aan die Bestuurder Finansiële Dienste)

25.       Die bewaarder van alle rekords van die Munisipaliteit behalwe waar anders voorsien ooreenkomstig met die belang van Artikel 117 van die Stelselswet 2000.   (Gesubdeligeer aan Bestuurder Korporatiewe Dienste)

26.       Behalwe waar anders bepaal, is alle rekords en dokumente van die Munisipaliteit in die bewaring van die Munisipale Bestuurder.

27.       ‘n Munisipale Bestuurder moet binne ‘n beleidsraamwerk wat deur die Munisipale Raad bepaal word:

-                ‘n diensstaat vir die Munisipaliteit goedkeur;

-                ‘n posbeskrywing vir elke pos op die diensstaat voorsien;

-                die besoldiging en ander diensvoorwaarde vir die poste bepaal soos ooreenkomstig enige toepaslike arbeidswetgewing bepaal mag word;  en

-                om gereeld die diensstaat te evalueer, en indien nodig, die diensstaat en die besoldiging en die diensvoorwaardes te hersien.

28.       Die Munisipale Bestuurder moet ‘n afskrif van die gedragskode aan elke personeel-lid van die Munisipaliteit voorsien en elke personeellid van enige wysiging van die gedragskode voorsien.

29.       Verseker dat die doel, inhoud en gevolge van die gedragskode aan personeellede wat nie kan lees nie verduidelik word.

30.       Sonder vertraging enige verliese as ‘n uitslag van verdagte kriminele gedrag aan die S.A.P. te rapporteer.

31.       Op ontdekking van enige ongemagtigde uitgawes, moet onmiddelik skriftelik gerapporteer word, besonderhede van die uitgawes aan die Bestuurder/ Burgemeester/Speaker, lede van die Uitvoerende Komitee van die Provinsie verantwoordelik vir finansies, Plaaslike Regering en die Ouditeur-Generaal.  (Gesubdelegeer aan Adjunk Munisipale Bestuurder)

32.       Om effektiewe en geskikte dissiplinêre stappe te neem teen werkers wat:   (Gesubdelegeer aan Adjunk Munisipale Bestuurder)

·               Teenstrydig met of weier om te voldoen aan die bepalings van Finansiële wetgewing, Finansiële Regulasies, beleide en prosedures van die Munisipaliteit.

·               ‘n daad pleeg wat die Finansiële Bestuur en interne beheerstelsel van die Munisipaliteit ondermyn.

·               Enige ongemagtigde of vrugtelose uitgawes aangaan of toelaat.

33.       Verseker dat uitgawes van die Munisipaliteit in ooreenstemming is met die goedge-keurde begroting en dat effektiewe en geskikte stappe geneem word om die volgende te voorkom:

·               Oorspandering van goedgekeurde begroting

·               Onderinvordering van belasting verskuldig aan die Munisipaliteit ;  en

·               Ongemagtigde en vrugtelose uitgawes

34.       Binne 15 dae na die einde van elke maand ‘n voorlegging doen aan die UK betreffende die volgende:

·               Inligting in die formaat soos voorgeskryf deur die Nasionale Tesourier op werklike inkomste en uitgawes vir die betrokke maand.

·               ‘n Bepaling van verwagte inkomste en uitgawes vir die oorblywende gedeelte van die huidige Finansiële jaar.

·               Indien nodig ‘n verduideliking van enige materiële verskille;  en

·               ‘n Opsomming van die stappe wat geneem is om te verseker dat geprojekteer-de uitgawes en inkomstes binne die goedgekeurde begroting bly.

35.       Gebruik die besparing op een pos in die begroting om die oorspandering op ‘n ander pos te bestry, behalwe waar die Raad anders bepaal en doen verslag aan die Raad aangaande die handelings.

36.      Gee redelike geskrewe kennis van enige vergaderings waar die Finansiële state en Oudit-Verslae vir oorweging voorgelê word, aan die Ouditeur-Generaal, Provinsiale Tesourier en die Provinsiale Departement verantwoordelik vir Plaaslike Regering.

37.      Indien hy/sy nalaat om Finansiële state aan die Ouditeur-Generaal voor te lê en die Ouditeur-Generaal se ouditverslag aan die Raad voor te lê, hy/sy moet ‘n skriftelike verduideliking opstel met uiteensetting van redes hoekom dit nie voorgelê was nie.

38.      Wanneer ‘n jaarlikse begroting aan die Raad voorgelê is, moet die Munisipale Bestuurder meetbare inkomste voorlê en uitgawes telkens vir die Finansiële jaar voorlê wat met die begroting verband hou.

39.      Om nakoming van die bepalings van relevante wetgewing betreffende die Inkomste/belastingsfonds af te dwing.  Indien hy/sy nie instaat is om die verantwoordelikheid na te kom nie, moet hy/sy stiptelik die onvermoë aan die raad, Nasionale Tesourier en Provinsiale Tesourier rapporteer met opgaaf van redes.

40.      Gee publieke kennisgewing op ‘n manier vasgestel deur die Raad van die tyd, datum en plek van elke:

·               Gewone vergaderings van die raad en enige Komitee,  en

·               Spesiale of dringende vergadering van die Raad en enige Komitee

41.       Bepaal en verhaal die kostes van enige verlies of beskadiging opgedoen deur die Munisipaliteit van die persoon verantwoordelik vir die verlies of beskadiging en waar nodig stel dissiplinêre aksies in.  ‘n Werknemer wat deur die Munisipaliteit in diens geneem is/was is verantwoordelik vir ‘n verlies of beskadiging indien dit bewys is tydens ‘n dissiplinêre verhoor dat hy/sy:

·               Nagelaat het om geld verskuldig aan die Munisipaliteit in te vorder waarvoor hy/sy verantwoordelik is;

·               Is/was verantwoordelik vir ‘n betaling van geld sonder die nodige gedelegeerde bevoegdheid of sonder om die voorgeskrewe prosedure te volg of sonder ‘n deeglike ondersteunende bewyse;

·               Vanweë versuim om sy/haar pligte uit te voer hy/sy, verantwoordelik is/was vir vrugtelose uitgawes;

·               Is/was verantwoordelik vir skade aan die vernietiging van geld van die Munisipaliteit, seëls of ander dokumente, sekuriteite of ander eiendom van die Munisipaliteit,   en

·               Vanweë versuim  in die uitvoer van sy/haar pligte verantwoordelik is/was vir ‘n eis teen die Munisipaliteit.

42.       Herstel die bedrag of enige ongemagtigde uitgawes van die persoon wat verantwoordelik was vir die blootstelling van so ‘n uitgawe of die voordeligheid daarvan.  Uitgawes is ongemagtig wanneer:

·               ‘n Betaling gemaak is sonder dat voorsiening in die goedgekeurde begroting gemaak is met inagneming van enige wetlike bepalings t.o.v. die betaling;

·               ‘n Betaling of enige gedeelte van betaling tot gevolg het dat die totale bedrag van die goedgekeurde begroting, oorskry word;

·               Enige eksterne of interne magtiging vereis deur die wet dat ‘n betaling nie opgelewer kan word nie;

·               ‘n Betaling is gedoen sonder enige deeglike wetlike matiging of veranderlik met enige veriestes,  en

·               Uitgawes van ‘n pos in die begroting wat nie verbind is met die doel van daardie pos nie.

43.       Om appél tot ‘n hoër hof of ander gesagsliggaam voor te lê of te opponeer t.o.v. ‘n beslissing van ‘n laer hof of gesagsliggaan.

44.       In oorleg met die Uitvoerende Komitee, om uitgawes aan te gaan om ondersoekers aan te stel om sake van beweerde onreëlmatigheid of wangedrag te ondersoek.

45.       In oorleg met die Tesourier kontraktuele boete-klousules toe te pas in gevalle waar goedere of Dienste laat aan die Raad/Munisipaliteit gelewer word.

46.       Om die Uitvoerende Komitee te adviseer oor die verlening van regshulp aan die werknemers in terme van artikel 73(b) van die Plaaslike Regeringsordonansie, 1982.

47.       Om op Raadsonkostes te besluit oor die vervanging van ‘n werknemer se gereedskap/toerusting wat beskadig of vernietig is, terwyl dit in die diens van die Munisipaliteit se gebruik is of waarvan ‘n werknemer verwag word om sy/haar eie gereedskap/toerusting te voorsien.  Die vervange gereedskap/toerusting moet van dieselfde gehalte en identiese aard wees.

48.       Om te besluit op die terugbetaling van tenderdeposito’s met betrekking tot die tenders waar die Raad nie enige kontraktuele verpligtinge het om deposito’s terug te betaal nie.

49.       Die bevoegdheid om die volgende dokumente te teken:

·               Tesame met die Burgemeester en die Speaker die vergunning van burgerskap en vryheid van die Munisipaliteit;

·               Dokumente vir die oordrag of aanskaffing van vaste eiendom of regte met betrekking daarvan;

·               Dokumente om te begin met enige wetlike proses hetsy krimineel of siviel namens die Raad en om enige regsproses teen die Raad, hetsy krimineel of siviel te verdedig of teen te staan;

·               Dokumente ter voorlegging of opponering van ‘n appél na ‘n hoër hof of ander gesagsliggaam ten opsigte van ‘n beslissing van ‘n laer hof of sodanige gesagsliggaam,   en

·               Enige ander kontrak of dokument wat nie gespesifiseer is met betrekking tot enige departementshoof nie.

50.       In sy/haar deskresie nie ‘n gebou van die Raad te verhuur indien hy/sy van mening is dat die risiko te groot is.

51.       Die sluit van Raadsbiblioteke op ‘n tydelike basis.

52.       Die bevoegdheid om die funksies te verrig en gesag uit te oefen wat gestel is om die Raad in terme van die bepalings van:

·               Artikel 3(1) tot 3(7) van die burgelike beskermingsordonansie, 1977 (ordonansie no 10 van 1977).  Enige Finansiële implikasies in terme van die delegasie moet aan die Raad voorgelê word vir goedkeuring.

53.       Die verlening van toestemming vir die gratis gebruik van Raadsgeboue vir die departementele funksies en ander Munisipale verbandhoudende aktiwiteite/funksies.

54.       In oorleg met die Bestuurder Korporatiewe Dienste besluit oor die aanvaarding al dan nie van ‘n kennisgewing van diensbeëindiging van ‘n werknemer wat op ‘n korter periode dui as die periode soos uiteengesit in die diensvoorwaardes van die werknemer.

55.       In samewerking van die Bestuurder Korporatiewe Dienste die bevoegdheid uit te oefen om die geldigheid van nie-akkumulerende verlof van ‘n werknemer te verlang.

56.       Op skriftelike versoek deur ‘n personeellid ‘n afskrif van of uittreksel uit die personeelstelsels en prosedures, insluitende enige wysigings, aan daardie personeellid beskikbaar stel in ooreenstemming met die bepalings van artikel 67 van die stelselswet, 2000

AANHANGSEL  B

DEPARTEMENTSHOOFDE / BESTUURDERS VAN DEPARTEMENTE

1.                  Die Hoofde van Munisipale Departemente word ingevolge Artikels 56 en 57 van die Stelselswet aangestel en is Bestuurders wat regstreeks aan die Munisipale Bestuurder verantwoordbaar is.

2.   Die gedelegeerde funksies en pligte van die persone wat as Departementshoofde (Bestuurders) aangestel is en wat met die betrokke poste geassosieer word, word in diè gedeelte uiteengesit.       

ADJUNK MUNISIPALE BESTUURDER

1.         Die implementering van die Munisipaliteit se geïntegreerde ontwikkelingsplan en die monitering van vordering met implementering van die plan.

2.         Namans die Munisipale Bestuurder die bestuur, effektiewe gebruik en opleiding van personeel,  en die handhawing van personeeldissipline. 

3.         Die Bevordering van gesonde arbeidsverhoudinge en nakoming deur die munisipaliteit van toepaslike arbeidswetgewing. 

4.        Die administrasie en implementering van die Munisipaliteit se verordeninge en ander wetgewing.  

5.         Namans die Munisipale Bestuurder die oorplasing van personeel van een departement na ‘n ander departement binne die voorskrifte van die Standaard Diensvoorwaardes na oorlegpleging met die onderskeie Departementshoofde en Munisipale Bestuurder. 

7.                  Om vakansie, spesiale, siekte, studie, eksamenverlof ooreenkomstig die Raad se diensvoorwaardes aan Departementshoofde en personeel binne die GOP Ekonomiese Ontwikkeling Departement toe te staan.

8.         Om kantore, werkplekke en geriewe aan die onderskeie departemente van die Raad toe te ken na oorlegpleging met die Munisipale Bestuurder en Bestuurders van Departemente.

9.         Die goedkeuring aan Bestuurders en amptenare binne die GOP departement, vir bywoning van kongresse, werkswinkels, jaarvergaderings, ens.  ooreenkomstig die Beleid van die Raad en onderhewig daaraan dat voldoende voorsiening op die begroting gemaak is om die uitgawe te dek.

10.       Die goedkeuring vir die betaling van reis- en verblyfkoste ingevolge die Raad se goedgekeurde skema, met inbegrip van etes en die opsie van lugvervoer vs padvervoer. 

11.       Om in oorleg met die Bestuurder Tegniese Dienste en Bestuurder Korporatiewe Dienste goedkeuring te verleen aan ontwikkelingsplanne in gevolge die Sonering-skema ten opsigte van eiendomme gesoneer as Residensieel 1,2 en 3 met dien verstande dat alle probleeemgevalle na die Uitvoerende Komitee vir beslissing verwys word. 

12.       Magtiging om uitgawes vir verversings wat met nooddienste verband hou, tot ‘n bedrag van R500.00 te magtig sonder voorlegging aan die Raad. 

13.       Op ontdekking van enige ongemagtigde uitgawes, moet onmiddelik skriftelik gerapporteer word, besonderhede van die uitgawes aan die Bestuurder/ Burgemeester/Speaker, lede van die Uitvoerende Komitee van die Provinsie verantwoordelik vir finansies, Plaaslike Regering en die Ouditeur-Generaal.       

14.       Die goedkeuring vir die gebruik van ampsvoertuie.

15.       Goedkeuring vir die ondertekening van tjeks in die afwesigheid van die          Bestuurder: Finansiële Dienste of een van die gedelegeerdes in die betrokke departement.

16.            Die ondertekening van kontrakte, transportprokurasies en gepaardgaande dokumentasie namens die raad,  in die afwesigheid van die Munisipale Bestuurder.

17.            Magtiging vir die advertering van personeelvakatures ooreenkomstig die aanstellingsbeleid onderhewig daaraan dat die werwing van interne applikante en die Wet op Gelyke Indiensneming telkens inaggeneem moet word.

18.            Daaglikse administrasie van sy departement.

19.            Bevordering van goeie arbeidsverhoudinge.

20.            Nagaan van alle amptelike korrespondensie voor versending.

21.            Daaglikse oopmaak van die pos en verwysing van besonderhede na departementshoofde vir kommentaar/verdere informasie.

22.       Om effektiewe en geskikte dissiplinêre stappe te neem teen werkers wat:  

·               Teenstrydig met of weier om te voldoen aan die bepalings van Finansiële wetgewing, Finansiële Regulasies, beleide en prosedures van die Munisipaliteit.

·               ‘n daad pleeg wat die Finansiële Bestuur en interne beheerstelsel van die Munisipaliteit ondermyn.

·               Enige ongemagtigde of vrugtelose uitgawes aangaan of toelaat.

23.   Die ondertekening van tjeks tesame met die ander gemagtigdes namens die Raad.

24.      Administratiewe en verwante funksies met betrekking tot (RDP) behuising.

25.   Die Adjunk Munisipale Bestuurder neem waar is die plek van die Munisipale Bestuurder wanneer laasgenoemde afwesig,  uitstedig of met verlof is.

AANHANGSEL  C

1.           Die Hoofde van Munisipale Departement word ingevolge Artikel 56 en 57 van die Stelselswet aangestel en is bestuurders wat regstreeks aan die Munisipale Bestuurder verantwoordbaar is.

2.          Die gedelegeerde funksies en pligte van die persone wat as Departementshoofde (Bestuurders) aangestel is en wat met die betrokke poste geassosieer word, word in die gedeelte uiteengesit.

BESTUURDER: KORPORATIEWE DIENSTE

1.           Parkeerplekke aan amptenare van die Raad of Raadslede toe te ken indien daar so ‘n beleid bestaan.

2.           Om vakansie, spesiale, siekte, studie, eksamenverlof ooreenkomstig die Raad se diensvoorwaardes aan personeel binne die departement toe te staan.

3.          Om in samewerking met die betrokke departementshoof,  ‘n beampte van verlof terug te roep of die neem van goedgekeurde verlof uit te stel,  indien die vereistes van die diens dit noodsaak en magtiging te verleen om die verlof binne ses maande na die verval datum te neem.

4.          Namens die Raad en in oorleg met die Munisipale Bestuurder maar onderhewig aan raadsgoedkeuring te onderhandel en tot onderhandelings toe te tree met  betrekking tot die verkryging of vervreemding van grond of belange in grond.

5.          Die nodige stappe te doen om die voorwaardes waarop eiendom van die Raad verhuur of verkoop is, af te dwing.

6.          Verhaalbare uitgawes ooreenkomstig die beleid deur die Raad neergelê, aan te gaan.

7.          Om kantore en ameublement aan onderskeie amptenare in sy/haar departement toe te ken.

8.          Die verlening van goedkeuring dat ‘n telefoon op of in eiendom van die Raad geïnstalleer word.

9.          Om goedkeuring te verleen dat die Raad se biblioteek boeke afgeskryf mag word en magtiging te verleen dat die koste van verlore boeke aan die Provinsiale Biblioteek vergoed word tot ‘n maksimum van R2 000.00 per jaar.

10.      Om met betrekking tot regsgedinge/aangeleenthede die volgende te doen:

10.1     Regsmenings in oorleg met die Munisipale Bestuurder van die Raad se adviseurs te verkry.

10.2           Om al die nodige stappe te doen om die bepalings van die soneringskema, weiering om ‘n vergunnings gebruik toe te staan, of enige voorwaardes met betrekking tot ‘n dorpsgebied of ‘n erf in ‘n dorpsgebied of landbouhoewe of om enige verandering of reg van die Raad, of om die nakoming van enige voorwaarde wat in verband staan met ‘n toegestane vergunningsgebruik ingevolge die Soneringskema of om die bepalings van ‘n serwituut, toestem-mingsakte of ooreenkoms wat deel van ‘n skikking met betrekking tot enige regsaangeleentheid in terme van die Soneringskema of ander verordening van die Raad vorm, af te dwing.

10.3           Om al die nodige stappe te doen en om al die nodige dokumente voor te berei en te teken om sodoende uitvoering van ‘n besluit van die Raad om regstappe te doen teen ‘n liggaam of ander persoon, te gee.

11.       Die verkryging van beëdigde waardasies en landmeter-diagramme ten opsigte van die koop, verkoop, huur en verhuur van grond, onderverdeling, konsoliderings, serwitute en sluitings.

12.       Uitreiking van sertifikate aan die Landmeter-Generaal dat ‘n voorgestelde onderverdelingsplan in ooreenstemming is met die Soneringskema.

13.       In gevalle waar die Raad ‘n vergunde gebruik toegestaan het en die onderneming van eienaars verwissel, die verleen van goedkeuring aan die nuwe eienaars om sy regte in terme van die vergunde gebruik voort te sit, onderhewig aan sodanige voorwaardes as wat nodig geag word.

14.       Die uitreiking van sertifikate dat die Raad afstand doen van sy verkoopsreg.

15.       Dat uitreiking van sertifikate in oorleg met die, Bestuurder: Finansiële Dienste, Bestuurder: Tegniese Dienste aan die Registrateur van Aktes se onderverdelings-voorwaardes nagekom is.

16.       Die goedkeuring van beplande oortyd aan amptenare om die goedgekeurde salaris-skaal van die Raad.

17.       Die toestaan van vergunning aan ‘n organisasie om op ‘n openbare plek of straat ‘n verkoping wat ‘n rommelverkoping insluit, te hou.

18.       Die voorbereiding van enige dokument of stuk om uitvoering te gee aan ‘n besluit van die Raad om ‘n bepaling van enige van die Raad se verordeninge af te dwing (met inbegrip van die dorpsaanlegskema wat in oorleg met ‘n Stadsbeplanner gedoen moet word).

19.       Goedkeuring van aansoeke om optogte (in oorleg met die SAPD) en gepaardgaande fondsinsamelings binne die munisipale gebied te hou.

20.       Toestemming te verleen vir die oprigting van baniere en plakkate en inbegrip van politieke plakkate.

21.       Die toekenning van Raadswonings in oorleg met die Munisipale Bestuurder.

22.       Toestemming, onderworpe aan die beleid van die Raad, te gee aan geregistreerde welsyns- en liefdadigheids-organisasies en godsdienstige instellings om kollektes, veilings of verkopings op enige straat of ander terrein wat aan die Raad behoort of waaroor die raad beheer het (uitgesonder parke en sportgronde) te hou of om sulke terreine sonder om vergoeding te betaal, vir fondsinsamelings te gebruik.

23.       Na oorlegpleging met die betrokke departementshoof,  aanstellings van personeel sowel as aflos en tydelike werkers ooreenkomstig die Aanstellingsbeleid.

24.       Goedkeuring vir die oprigting van skouhuis tekens en die aanbring van rigting-wysers op munisipale grond.

25.       In oorlegpleging met die betrokke departementshoof, die aanstel/aanwys van ‘n amptenaar in ‘n waarnemende hoedanigheid ingevolge die betrokke diensvoorwaardes.

26.       Om ingevolge die bepalings van die beleid van die Raad betreffende die huur van sale toestemming te verleen om dit te verhuur.

27.       Bevoegdheid om die gebruik van saalfasiliteite teen ‘n normale tarief toe te ken en wel onderhewig aan die voorwaardes en tariewe wat die Raad van tyd tot tyd mag bepaal.

28.       Om borge en waarborge ten behoewe en kontrakteurs te aanvaar/verwerp soos deur die UK bepaal of deur die Algemene Kontrakvoorwaardes.

29.       Die aanwys as skakelpersoon met die SETA ingevolge die Wet op Vaardigheids-ontwikkeling.

30.       Die aanwys as Diensbillikheidsbestuurder ingevolge die Wet op Gelyke Indiensne-ming.

31.       Verteenwoordiger van die Raad by Bedingsraadsake saam met die Burgemeester en Personeel beampte.

32.       Verteenwoordig die Raad by CCMA sake saam met die Personeel beampte.

33.       Plasing van advertensies vir personeelvakatures in oorlegpleging met die Adjunk Munisipale bestuurder.

34.       Advertering van publieke deelname tydens grondgebruikaansoeke:

33.1   dat kennisgewings op die eiendom ter sprake aangebring sal word, sowel as by prominente openbare geboue in die verskillende dorpe, te wete-

in Springbok  by die Munisipale kantore

in Bergsig  by die betaalkantoor

in Matjieskloof  by die Kliniekgebou

in Concordia  by die Munisipale Kantore

in Okiep  by die Munisipale Kantoor, die biblioteke en klinieke, die gemeenskapsaal

in Steinkopf  by die Munisipale kantoor, Biblioteek, Kliniek en Poskantoor

in Nababeep  by die Munisipale Kantoor

in Komaggas  by die Munisipale Kantoor, die Biblioteek, Poskantoor en die kliniek

in Buffelsrivier  by die Munisipale Kantoor, Biblioteek, die Poskantoor en die Kliniek

in Goodhouse  by die Munisipale Kantoor

33.2    Dat die proses van publieke deelname, m.a.w. die betekening van kennisgewings by openbare geboue, gelyktydig sal plaasvind.

33.3     Dat die betekening van verdere kennisgewings aan geregistreerde eienaars gedoen word in oorleg met die Adjunk Munisipale bestuurder.

35.       Om dienssertifikate uit te reik aan nuut aangestelde personeel..

36.       Goedkeuring van tyd-af aan vakbonde ingevolge die Organiseringsregte-ooreenkoms in oorleg met departementshoofde.

37.       Die bevoegdheid om die toepaslike funksies te verrig en gesag uit te oefen wat gesetel is in die Raad in terme van die bepalings van:

·               Standaardreëls en opdragte

·               Biblioteek regulasies

·               Openbare optogregulasies

·               Verlofregulasies

·               Gedragkode vir amptenare

·               Diensooreenkoms

·               Arbeidswetgewing

·               Ander wetgewing van toepassing op Plaaslike Regering;  en

·               Die Munisipale Kode

38.        Magtiging om goedkeuring te verleen aan kerke om op munisipale grond kerkdienste te hou, onderhewig aan die volgende voorwaardes:

37.1         ten opsigte van luidsprekers:

(a)       dat die volume daarvan nie ‘n steurnis mag veroorsaak vir ander inwoners nie;

(b)      dat dit nie later as 21:00 gebruik mag word nie;

(c)       dat dit vir hoogstens twee uur per geleentheid gebruik mag word, en wel op die ure soos onderling ooreengekom.

37.2         dat die terrein telkens skoon en netjies gehou moet word;

37.3         dat ‘n tarief soos van tyd tot tyd deur die Raad bepaal vooraf betaalbaar sal wees;

37.4         dat voldoende toiletgeriewe en vullisverwydering deur die applikant voorsien moet word, soos vereis deur die OGB;

37.5         dat die Munisipaliteit die alleen diskresie het om, indien enige bepalings van enige Wet of Verordening nie deur die aansoeker nagekom word nie en ‘n ondersoek meriete of substansie daarin sou bevind, die goedkeuring onmiddellik tersyde te stel sonder die terugbetaling van enige gebruiksgelde;

37.6         dat die goedkeuring van aansoeke in oorlegpleging met die betrokke wyks-raadslid gedoen word;

37.7         dat die tydperk waarvoor goedkeuring verleen word nie twee weke mag oorskry nie.

39.       Die bevoegdheid om amptenare van sy departement aan te wys as Gesondheid- en Veiligheidsverteenwoordigers vir sy departement in terme van die bepalings van die Wet op Beroepsgesondheid en Veiligheid, 1993 (Wet no 85 van 1993).

40.       Bywoning van alle Raadsvergaderings,   Uitvoerende- en ander komitees en ander vergaderings.

41.       As Menslike Hulpbronne Bestuurder verantwoordelik vir:

·               Hantering van persoonlike lêers berekening van verlof en die byhou van die verlofregister, aanstellingsbriewe, dienssertifikate, werkloosheidsversekerings-fonds (blou-kaarte), arbeidsnavrae te hanteer, personeelmemorandums, aanbe-ling van verlofaansoek.

·               Vaardigheidsontwikkeling, en gelyke indiensneming;  en

·               Algemene Menslike Hulpbronnebestuur.

42.       Komiteedienste.

43.       Ondersteuningsdienste aan Burgemeester/Speaker en raadslede.

44.       Uitvoering van toepaslike Raadsbesluite.

45.       Hou van registers:  Beleidsregisters, Besluiteregister, Verlofregister en Bywoning van Vergaderingsregister.

46.       Daaglikse administrasie van sy departement.

47.       Hulpdienste:  Rekords (liaseringstelsel), tik, skakelbord, Skoonmaakdienste, fotokopiëring, boodskapperdienste, ens.

48.       Bestuur en handhawing van ‘n geriewe insluitende veiligheid.

49.       Opstel van Raadsomsendbriewe aan die gemeenskap.

50.       Bevordering van goeie arbeidsverhoudinge.

51.       Sekretariële Dienste:  Rampbestuur sowel as ander gedelegeerde Rampbestuur-funksies.

52.       Die bevoegdheid om die lisensiëring van organisasies te oorweeg in ooreenstemming met die bepalings van die besigheidswet, 1991 (wet 71 van 1991).

53.       Die bevoegdheid (in samewerking met die raad) om uitstel toe te staan vir die periode waar die gevestigde regte, soos bepaal deur die Raad, uitgeoefen moet word in gevalle waar ‘n konsent gebruik was, goedgekeur is deur die Raad in terme van sy Stadsbeplanningskema en ander soortgelyke wetgewing.

54.       Die bevoegdheid om die nodige stappe te neem, toepaslike hofbevel te verkry wat die eienaar of besitter van die grond verplig om aan die vereistes van Stadsbeplanningskema te voldoen in die geval waar eienaar of besitters van grond of eiendom versium om die vereistes van die Stadsbeplanningskema na te kom.

55.       Die bevoegdheid om aanbevelings te maak (vir vooruitlegging van die Raad) met betrekking tot aansoeke vir die kansellasie, uitstel of wysiging van titel voorwaardes wat beperkend is om die titelakte van ‘n eiendom of grond in lyn te bring met die Stadsbeplanningskema, behalwe in die gevalle waar ‘n terugvalklousule ten gunste van die Raad in die titelakte bestaan.

56.       Die bevoegdheid om aansoeke vir Behuising industrie en huiswinkel te oorweeg in terme van die Stadbeplanningskema.  In gevalle wat hy/sy reken dat die aansoek van ‘n betwisbare aard is of wat ‘n ingrypende impak het op die omliggende gemeenskap mag hê moet hy/sy in die geval van besware deur omliggende inwoners, dit na die raad verwys vir ‘n besluit.

57.       Die bewaarder van alle rekords van die Munisipaliteit behalwe waar anders voorsien ooreenkomstig met die belang van Artikel 117 van die Stelselswet 2000.  

58.       Uitvoer van enige ander pligte soos van tyd tot tyd gedelegeer mag word deur die Munisipale Bestuurder.

AANHANGSEL D

DEPARTEMENTSHOOFDE / BESTUURDERS VAN DEPARTEMENTE

2.                  Die Hoofde van Munisipale Departemente word ingevolge Artikels 56 en 57 van die Stelselswet aangestel en is Bestuurders wat regstreeks aan die Munisipale Bestuurder verantwoordbaar is.

3.                  Die gedelegeerde funksies en pligte van die persone wat as Departementshoofde (Bestuurders) aangestel is en wat met die betrokke poste geassosieer word, word in diè gedeelte uiteengesit.

BESTUURDER : FINANSIëLE DIENSTE :

1.         Om vakansie, spesiale, siekte, studie, eksamenverlof ooreenkomstig die Raad se diensvoorwaardes aan personeel binne die Finansiële Departement toe te staan.

2.         Om ‘n beampte van verlof terug te roep of die neem van goedgekeurde verlof uit te stel indien die vereistes van die diens dit noodsaak en magtiging te verleen om die verlof binne ses maande na die vervaldatum te neem.

3.         Om die beskikbare fondse van die Raad te belê by instansies deur die Raad goedgekeur met dien verstande dat daar kwartaalliks tydens ‘n Raadsvergadering aan die Raad verslag gedoen word oor die stand van beleggings.

4.         Die ondertekening van effektesertifikate tesame met die Munisipale Bestuurder namens die Raad.

5.         Die ondertekening van tjeks tesame met die ander gemagtigdes namens die Raad.

6.         Die voorwaardes en tydperk van terugbetaling van lenings uit die Bates – finansieringsfonds te bepaal.

7.         Om aankope van goedere en Dienste en die uitvoering van werke ingevolge die toepaslike beleid tot ‘n maksimum waarde soos van tyd tot tyd deur die Raad t.o.v. Departementshoofde bepaal, per keer te magtig.

8.         Die goedkeuring vir die aangaan van uitgawes vir die herstel van masjinerie, voertuie, ensovoorts tot ‘n bedrag soos van tyd tot tyd deur die Raad bepaal.

9.         Om verhogings van instandhoudingspremies wat deur die Raad betaalbaar is in oorleg met die Munisipale Bestuurder, goed te keur.

10.       Die betaling van salarisse aan amptenare en Raadslede op ‘n datum soos deur die Munisipale Bestuurder, bepaal.

11.       Opdrag aan Prokureurs uit te reik om alle gelde wat aan die Raad verskuldig is, ingevolge die bepalings van die toepaslike verordeninge en beleid in te vorder.  

12.       Om versekering by instansies soos deur die Raad goedgekeur te reël ten einde sorg te dra dat die Raad behoorlik verseker is teen gebeurlikhede waardeur die Raad skade kan lei en alle premies daarvan te betaal asook die afhandeling van alle versekeringspremies. 

13.       Die toepassing en administrasie van die Finansiële Verordeninge van die Raad.

14.       Die goedkeuring vir die betaling van behuisingsubsidies en behuisingtoelaes volgens die beleid van die Raad.

15.       Die uitbetaling van gratifikasie aan werknemers wie daarvoor kwalifiseer.

16.       Om magtiging vir die aanwending van instandhoudingsfondse in oorleg met die betrokke Departementshoofde binne die Raad se beleid te verleen.

17.       Om waardasies van spesifieke eiendomme van die waardeerder soos deur die Raad aangestel, aan te vra.

18.       Beëdigde waardasies van grond of ander eiendomme aan te vra vir voorlegging aan die Raad of vir uitvoering van ‘n Raadsbesluit.

19.       Die goedkeuring van beplande oortyd aan amptenare op die goedgekeurde salarisskaal van die Raad (met inagneming van die perk soos bepaal deur die Wet op Standaard Diensvoorwaardes).

20.       Die goedkeuring aan werknemers in die betrokke departement vir die bywoning van kongresse, werkswinkels, jaarvergaderings, en so meer ooreenkomstig die beleid van die Raad en onderhewig daaraan dat voldoende voorsiening op die begroting gemaak is om die uitgawes te dek.

21.       Die goedkeuring vir die gebruik van ampsvoertuie buite die Munisipale gebied.

22.       Die magtiging van terugbetaling van verhuringskoste aan amptenare wie diens by die Raad aanvaar ooreenkomstig ‘n besluit van die Raad soos van tyd tot tyd van toepassing.

23.       Bevoegdheid vir die tref van reëlings vir die afskaling van dienste of die omskakeling na ‘n ander tarief as gevolg van ‘n bepaalde betalingsrekord, asook die diskresie aangaande die toekenning van Equitable Share ingevolge die Raad se beleid.

24.       Bevoegdheid vir die staking van elektrisiteitstoevoer en water kragtens die toepaslike verordeninge.

25.       Die aanstel/aanwysing van ‘n amptenaar in ‘n waarnemende hoedanigheid ingevolge die betrokke diensvoorwaardes na oorlegpleging met die munisipale bestuurder.

26.       Residensiële grond en skema huise onder beheer of wat die eiendom is van die Raad, onderworpe aan die beleid van die Raad te verhuur of te verkoop.

27.       Onderhandelings met beurshouers oor die afbetalingstermyn van verskuldigde bedrae onderhewig daaraan dat die maksimum periode nie 6 maande mag oorskry nie.

28.       Die uitreiking van ‘n Klaringsertifikaat wat sertifiseer dat die tarief, bedrag, fooie en rente wat betrekking het op ‘n sekere hoedanigheid in die Munisipale gebied aan die Raad betaal is soos bepaal deur die toepaslike wetgewing.

29.       Die bevoegdheid om fondse vry te stel met betrekking tot hoofitems in terme van die goedgekeurde kapitaalbegroting.

30.       Die bevoegdheid om geld van salarisse of lone af te trek, wat ‘n amptenaar aan die Raad verskuldig is.

31.       Die hantering van versoeke van Finansiële instansies vir die dienslewering wat betrekking het op die betaling van Munisipale Rekeninge.

32.              Die bevoegdheid (in samewerking met die Munisipale Bestuurder) om ‘n reëling te maak tot die aanvang van die regsproses vir die bewering van beskadiging aan Raadseiendom veroorsaak deur ‘n derde party, en vir die uitgawes met betrekking tot beserings opgedoen deur ‘n amptenaar terwyl hy/sy aan diens was, wat die Raad moet optree in terme van die “Workmens Compensation Act”.

33.       Die bevoegdheid om die funksies te verrig en die magte uit te oefen wat berus by die Raad in terme van die bepaling van :    

34.       Die oorweging van alle versoeke vir die beskikbaarstelling van name en adresse van water en elektrisiteitsverbruikers en die belastinglys in terme van die toepaslike wetgewing en die Raad se eie Administratiewe omstandighede en vereistes wat voorrang neem te alle tye.

35.       Die bevoegdheid om die volgende dokumente te teken;

·        Aandelesertifikate met betrekking tot goedgekeurde lenings

·        Dokumente rakende die invordering van geld, verskuldig aan die Raad in of die Magistraats of Hooggeregshof, en

·        Debiteure Sertifikate

·        Tjeks, amptelike bestellings en Klaringsertifikate

36.       Die bevoegdheid in samewerking met die Munisipale Bestuurder om draagbare goedere aan te koop vir die bedrag soos vasgestel deur die toepaslike wetgewing sonder die nodige versoek van tenders.

37.       Die bevoegdheid om versekeringseise te finaliseer met betrekking tot die Raad se interne verskeringsfonds.

38.       In samewerking met die departementshoof betrokke, die bevoegdheid om boete-klousules af te dwing, saamgevat in Raadskontrakte vir die lewering van goedere en dienste.

39.       Die handhawing van Raadsregisters vir die huurkontrakte en die jaarlikse voorlegging daarvan op 30 Junie vir inligting aan die Raad.

40.       Begrotingskontrole

41.       Bywoning van Raads- en ander toepaslike Komiteevergaderings.

42.       Die gesag om amptenare aan te stel in sy departement as Gesondheids en Veiligheidsverteenwoordiger vir sy departement in terme van die bepaling van die Beroepsgesondheids en Veiligheidswet, 1993 (wet no. 85 van 1993).

43.       Die uitoefening van alle pligte wat berus in die Tesourie Departement.

AANHANGSEL   E

DEPARTEMENTSHOOFDE / BESTUURDERS VAN DEPARTEMENTE :

1.         Die Hoofde van Munisipale Departemente word ingevolge Artikel 56 en 57 van die Stelselswet aangestel en is bestuurders wat regstreeks aan die Munisipale Bestuurder verantwoordbaar is.

2.         Die gedelegeerde funksies en pligte van die persone wat as Departementshoofde (Bestuurders) aangestel is en wat met die betrokke poste geassosieer word, word in diè gedeelte uiteengesit.

BESTUURDER : TEGNIESE DIENSTE :

1.         Om vakansie, spesiale , siekte, studie, eksamenverlof ooreenkomstig die Raad se diensvoorwaardes toe te staan aan amptenare binne die departement.

2.         Om ‘n beampte van verlof terug te roep of die neem van goedgekeurde verlof uit te stel indien die vereistes van die diens dit noodsaak en magtiging te verleen om die verlof binne ses maande na die vervaldatum te neem.

3.         Om aankope van goedere en dienste en die uitvoering van werke ingevolge die toepaslike beleid tot ‘n maksimum waarde soos van tyd tot tyd deur die Raad ten opsigte van Departementshoofde bepaal van R 80 000 per keer te magtig.

4.         Verhaalbare uitgawes ooreenkomstig die beleid deur die Raad neergelê, aan te gaan.

5.                  Toepassing van die verordeninge van toepassing op die Bestuurder : Tegniese Dienste.

6.         Ooreenkomstig die beleid van die Raad goedkeuring vir die sink van boorgate te verleen in oorleg met die Bestuurder : Gesondheidsdienste en Behuising.

7.         Bou- en dreineringsplanne, planne vir advertensietekens en planne vir die oprigting van antennestelsels goed te keur onderworpe aan die bepalings van die betrokke wetgewing en die verordeninge van die Raad.

8.         Goedkeuring of ondersteuning van ‘n aansoek om ‘n gebou wat vir woondoeleindes gebruik word in ‘n sakegebou te omskep, mits besigheidsregte ingevolge die Dorpsbeplanningskema aan die betrokke grond toegeken is onderworpe aan enige wetsbepaling en in oorleg met die Bestuurder : Gesondheidsdienste en Behuising en Bestuurder : Korporatiewe Dienste.

9.         Goedkeuring of ondersteuning van ‘n aansoek om ‘n gebou wat vir woondoeleindes gebruik word, te sloop, mits die Bestuurder : Gesondheidsdienste en Behuising die sloping aanbeveel en onderworpe aan enige wetsbepaling.

11.       Die goedkeuring van planne vir en die plasing van beligte advertensietekens in oorleg met die Bestuurder : Elektriese Dienste.

12.       Magtiging vir die terugbetaling van bouplangelde goed te keur op sodanige voorwaardes as wat van tyd tot tyd deur die Raad gestel word.

13.       Toesig te hou met betrekking tot ooreenkomste van die Raad vir die oprigting van geboue, paaie, brûe ens. en enige bou- en konstruksiewerk wat vir die Raad ingevolge ‘n ooreenkoms gelewer word en enige stuk, sertifikaat of verklaring in verband daarmee te onderteken.

14.       Die uitreiking van sertifikate vir die verskaffing van noodsaaklike dienste waaraan die bepalings van die Raad voldoen is in oorleg met die betrokke Departementshoofde/Bestuurders.

15.       Aansoeke om die verkoop van grafpersele te finaliseer en daarmee gepaardgaande die toepassing van die Raad se Begrafplaasverordeninge. Die grawe van grafte en uitbou daarvan.

16.              Die Raad se swembaddens ingevolge die Raad se Swembadverordeninge en die Raad se beleid, tydelik vir die publiek te sluit en die gebruik van die swembaddens aan skole of swemklubs beskikbaar te stel teen betaling van die bedrae deur die Raad bepaal.

17.              Die bepaling van watter erwe, persele en terreine by die Raad se water- en rioolhoofgeleidings aansluitbaar is.

18.       Afkeuring van aansoeke om boulyn-verslappings met dien verstande dat alle aansoeke wat afgekeur word, aan die Tegniese Dienste komitee gerapporteer word.

19.       Goedkeuring te verleen vir die oprigting van bouersafdakke, pophuise, plant en/of potplanthuise, tuingereedskapskuur, steenkoolskuur, fietsloods, somerhuise, swembadkleedkamers, pomphuis, reservoir, hondehok en enige ander struktuur of gebou, met dien verstande dat die vereistes soos uiteengesit in voorafbepaalde Raadsbeleid alle tye nagekom word. (Klein bouwerke soos omskryf in SABS 0400).

20.       Goedkeuring van bevoegde persone vir strukturele ontwerpe ingevolge SABS-voorskrifte.

21.       Goedkeuring van bevoegde persone vir loodgieterswerke ingevolge die Wet op Nasionale Bouregulasies.

22.       Die goedkeuring van beplande oortyd aan amptenare op die goedgekeurde salarisskaal van die Raad (met inagneming van die perk soos bepaal deur die Wet op Standaard Diensvoorwaardes).

23.       Die goedkeuring aan werknemers in die betrokke departement vir die bywoning van kongresse, werkswinkels, jaarvergaderings, en so meer ooreenkomstig die beleid van die Raad en onderhewig daaraan dat voldoende voorsiening op die begroting gemaak is om die uitgawes te dek.

24.       Die goedkeuring vir die gebruik van ampsvoertuie buite die munisipale gebied.

25.       Die toepassing van die bevoeghede ooreenkomstig die bepalings van tersaaklike wetgewing met betrekking tot die verwydering van bome en ander belemmering op privaatpersele.

26.       Om reëlings te tref in oorleg met die Bestuurder  Finansiële Dienste ten opsigte van die afbetaling van parkeerbydraes en die bou van parkeerinhamme, met dien verstande dat ‘n rentekoers soos van tyd tot tyd van toepassing, gehef word en die maksimum termyn nie 12 maande sal oorskry nie.

27.       Aanstelling van personeel (posvlak 9 – 15 gebaseer op ‘n graad 3 Plaaslike Owerheid) sowel as aflos en tydelike personeel.

28.       Die aanstel/aanwysing van ‘n amptenaar in ‘n waarnemende hoedanigheid ingevolge die betrokke diensvoorwaardes.

29.       Goedkeuring van bouplanne waar boulyne oorskry word (oorlegpleging met Boubeheerbeampte) vir kennisname aan die HOP Komitee.

30.       Verantwoordelikhede van boubeheer : Toesien na boubedrywighede ingevolge die Wet op Nasionale Bouregulasies en Standaarde met inbegrip van Artikel 21 aansoeke en die aflê van verklarings.

31.       Die bevoegdheid om te verleen vir die oprigting van ‘n tweede addisionele wooneenheid op ‘n perseel met die nodige kennisname van die Raad.

32.       Om onderhewig aan die bepalings van die Finansiële Verordeninge van die Raad magtiging te verleen vir die herstel van voertuie of toerusting of installasies, soos en wanneer nodig, om die vlot verloop van dienste te verseker, met dien verstande dat die bedrag soos van tyd tot tyd deur die Raad bepaal, nie oorskry nie.

33.       Om dienste van ‘n deskundige met betrekking tot enige Tegniese saak onder sy beheer, te verkry, mits die gelde nie ‘n bedrag soos van tyd tot tyd deur die Raad bepaal, per geleentheid oorskry nie en mits sodanige diensverkryging tot dringende gevalle beperk word.

34.       Die oprigting van bykomstige straatligte waar die nodige Finansiële voorsiening bestaan.

35.       Die bevoegdheid wat ingevolge die Elektrisiteitswet aan die Raad opgedra is uit te oefen.

36.       Die bevoegdheid wat ingevolge die bepalings soos vereis deur die Wet op Beroepsgesondheid en Veiligheid, No 85 van 1993, met betrekking tot die algemene veilige gebruik van masjinerie en toerusting wat aan die Raad opgedra is, wat nou ook die Gebruikskode vir die Bedrading van persele SABS 0142/1982 Regulasies met betrekking tot Elektrotegniese Draadwerkers insluit, uit te oefen.

37.       Toepassing en administrasie van die Elektrisiteitsverordeninge van die Raad.

38.              Die uitreiking van kennisgewings vir die doeleindes van die aanlê van elektriese kabels oor die deur privaat eiendom binne die Munisipale gebied.

39.     Die bevoegdheid (in samewerking met die Raad) om toestemming te verleen vir afwyking of verslapping in terme van die Nasionale Bouregulasies, Bouregulasies en Boustandaardwet, 1977 (Wet no 103 van 1977) behalwe vir ‘n regulasie met betrekking tot die kwaliteit en stabiliteit van geboue.
                                                                        AANHANGSEL F

DEPARTEMENTSHOOFDE / BESTUURDERS VAN DEPARTEMENTE

1.         Die Hoofde van Munisipale Departemente word ingevolge Artikels 56 en 57 van die Stelselswet aangestel en is Bestuurders wat regstreeks aan die Munisipale Bestuurder verantwoordbaar is.

2.         Die gedelegeerde funksies en pligte van die persone wat as Departementshoofde (Bestuurders) aangestel is en wat met die betrokke poste geassosieer word, word in diè gedeelte uiteengesit.

OMGEWINGSGESONDHEIDS BEAMPTE

1.         Toepassing van die verordeninge van die Raad waar van toepassing op Departement.

2.         Die maak van aanbevelings aan die Raad ten opsigte slopingspermitte en  sodanige voorwaardes as wat dienstig geag word.

3.      Om bevoegdhede wat die Raad het kragtens die bepalings van die onderstaande     wette en ordonnansies benewens die bevoegdhede wat direk kragtens die betrokke wetsbepalings aan die Bestuurder : Gesondheidsdienste en behuising gegee word, vir sovêr dit op sy departement betrekking het :

3.1          Die toepassing van alle wetgewing soos van toepassing op die betrekking.   Onder andere:

3.2      Mediese en gesondheidswetgewing soos van tyd-tot-tyd gewysig.

3.3      Wet op Voedingsmiddels, Skoonheidsmiddels en Ontsmettingsmiddels,       

    No 54 van 1972.

3.4      Wet op Voorkoming van Lugbesoedeling, Wet 45 van 1965.

3.5          Regulasies betreffende die Voorkoming van Knaagdier besmetting en die                 opberging van graan, voer, ens. in Stedelike en Plattelandse Gebiede van die Republiek van Suid-Afrika, Buitengewone Staatskoerant 1541 van 23 September 1966.

3.6     Bestel van gesondheidsverwante-prosesstukke namens die Raad.

Die ondersoek van persele en voertuie met die oog op berging en vervoer           van artikel vir menslike gebruik.

3.7          Die uitreiking van kennisgewings ingevolge enige toepaslike wetgewing        vir die verwydering van oorlaste vanaf persele.

3.8          Goedkeuring van aansoeke om die inbring en lewering van gepasteuriseerde melk en melkprodukte binne die Munisipale gebied.

3.9      Uitreiking van smouspermitte indien van toepassing.

3.10              Met betrekking tot die hersieningsprosedure ingevolge die bepalings van wetgewing insake uitreiking van Lisensies, te reël vir verteenwoordiging namens die Raad voor die Lisensieraad.

4.                  Verantwoordelik om lisensies uit te reik ingevolge die wet op besighede van 1991.

AANHANGSEL G

DEPARTEMENTSHOOFDE / BESTUURDERS VAN DEPARTEMENTE

1.         Die Hoofde van Munisipale Departemente word ingevolge Artikels 56 en 57 van die Stelselswet aangestel en is Bestuurders wat regstreeks aan die Munisipale Bestuurder verantwoordbaar is.

2.         Die gedelegeerde funksies en pligte van die persone wat as Departementshoofde (Bestuurders) aangestel is

HOOF: GEMEENSKAPSDIENSTE

3.         Verhaalbare uitgawes ooreenkomstig die beleid deur die Raad neergelê, aan te gaan.

4.         Om aankope van goedere en dienste en die uitvoering van werke ingevolge die toepaslike beleid tot ‘n maksimum waarde soos van tyd tot tyd deur die Raad ten opsigte van Departementshoofde bepaal; per keer te magtig.

5.         Toepassing van die bevoegdhede wat die Raad kragtens die bepalings van die Verkeerswet, No 29 van 1989, soos gewysig, en insluit die bevoegdhede om ingevolge Artikel 83 verkeerstekens binne die munisipale gebied op te rig, met dien verstande dat geen verskeersligte sonder toestemming van die raad opgerig of verwyder mag word nie. 

6.         Toepassing van verordeninge van die Raad waar van toepassing op sy departement.

7.         Tydelike sluiting van strate in oorleg met die Hoof van Verkeer vir verkeerbeheer.

8.         Die goedkeuring van hulp verlening met betrekking tot brandweer-, ambulans- en verkeersdienste buite die munisipale gebied met inagneming van die plaaslike behoeftes en omstandighede, in ooreenstemming met die beleid van die Raad.

10.       Die verwydering van versperrings op sypaadjies in oorleg met die Bestuurders: Tegniese Dienste en Gesondheidsdienste en Verkeer   wat die normale voetgangersgebruik belemmer of ‘n verkeersgevaar skep.

11.       Magtiging in oorleg met die Hoof van Verkeer verleen tot die oprigting van tydelike roete- en advertensietekens.

12.       Die bepaling en aanbring van laaisones in die sakegebied in oorleg met die Bestuurder : Siviele Ingenieursdienste en Hoof van Verkeer.

13.       Die toepassing van  bevoegdhede van die Raad kragtens die Wet  op Rampbestuur Wet 57 van 2000, in oorleg met die Kantoor van die Munisipale Bestuurder.

14.       Die uitreik en uitvoering van lasgewings.

15.       Die bepaling van ‘n ramp soos omskryf in die Rampbestuurswet in oorleg met die Kantoor van die Munisipale Bestuurder.

16.       Gevolmagtigde vir die registrasie en lisensiëring van voertuie (as Verteenwoordiger vir die registrasie en lisensiëring van voertuie asook die registrasie van operateur ingevolge die padverkeerswet).

17.       Magtiging vir optrede teen onregmatige plakkers en verkryging van die nodige hofbevel(e) via die betrokke regsadviseur na oorlegpleging met die Munisipale Bestuurder en die OGB.

18.       Die aanbeveling van beplande oortyd aan werknemers op die goedgekeurde salarisskaal van die Raad (met inagneming van die perk soos bepaal deur die wet op standaard diensvoorwaardes), en binne die raad se begroting.

19.       Die aanbeveling aan werknemers in die betrokke departement vir die bywoning van kongresse, werkswinkels, jaarvergaderings, en so meer ooreenkomstig die beleid van die Raad en onderhewig daaraan dat voldoende voorsiening op die begroting gemaak is om die uitgawes te dek.

20.      Die aanwysing van ‘n amptenaar in ‘n waarnemende hoedanigheid in die plek van die Hoof Gemeenskapsdienste of ander ondergeskikte pos,   in oorleg met die kantoor van die Munisipale Bestuurder.

KOMITEE : MENSLIKE HULPBRONNE BESTUUR, MUNISIPALE ADMINISTRASIE, PUBLIEKE DEELNAME EN OWERHEDE :

Die Komitee beheer en hersien die uitoefening van die volgende bevoegdhede en die uitvoering van die funksies en maak aanbevelings aan die UK .

·        Bestuur van administrasie

·        Bestuur van kontrakte

·        Interne transformasieproses en die institusionele herstrukturering

·        Dissipline in die Munisipaliteit

·        Verteenwoordig die Raad in werkplekforum

·        Kapasiteitsbou programme

·        Personeel Prestasie Bestuurstelsel

·        Werwing, keuring, verplasing en bevorderings

·        Ontwikkeling en bevordering van prestasie-bestuurstelsel

·        Interaksie tussen die Raad, gemeenskap en amptenare

·        Handhawing van goeie samewerkingsverhoudinge met tradisionele leiers, plaaswerkers, Unies en SALGA

·        Masakane Veldtogte

BEVOEGDHEDE : REËLS KOMITEE :

1.         Die opstel van reëls en opdragte van die Raad.

FINANSIëLE KOMITEE :

KOMITEE : LOCAL ECONOMIC DEVELOPMENT (LED) :

Die Komitee beheer en hersien die uitoefening van die volgende bevoegdhede en die uitvoering van die funksies en maak aanbevelings aan die UK .

KOMITEE : HOP

Die Komitee beheer en hersien die uitoefening van die volgende bevoegdhede en die uitvoering van die funksies en maak aanbevelings aan die UK .

2.         Meent en saailande

3.         Stad en streeksbeplanning

4.         Behuising

DELEGASIE : BURGEMEESTER :

DELEGASIE : SPEAKER

Die volgende statutêre magte en pligte is aan die Speaker gedelegeer in samewerking met die bepaling van Artikel van die Munisipale Strukturewet, 1998.