NAMA KHOI MUNISIPALITEIT

 

HULPBEHOEWENDE BELEID (INDIGENT POLICY)

 

  1.  Die Munisipaliteit verbind hom met die breë beginsels van basiese diensverskaffing aan sy gemeenskap, en onderneem om nie teen enige van die gemeenskapslede te diskrimineer nie.  Voorts onderneem die munisipaliteit om op ‘n doeltreffende en effektiewe wyse huishoudings te identifiseer en basiese diensverskaffing soos water- en elektrisiteitsverskaffing, vullisverwydering, riool en sanitasie te lewer.

 

  1. Definisie van hulpbehoewende huishoudings – Wie kwalifiseer:

 

‘n Huishouding waar die gekombineerde bruto inkomste van die aansoeker en gade (uitgesluit enige ander inwoners) minder is as R 2100.00 per maand, of met die diskresie van die wykskomitee, tot ‘n maksimum van R2100.00 per maand.

 

 

  1. BEPALINGS VAN DIE HULPBEHOEWENDE BELEID:

 

a.       Die onus berus by die verbuiker om vir geldelike bystand aansoek te doen sou hy/sy vir sodanige hulp kwalifiseer en onderneem om hom/haar aan die beperkende voorwaardes soos hieronder uiteengesit, te onderwerp.

 

    1. Dat die inligting rakende die registrasie as hulpbehoewende aan alle belanghebbende partye, beide in die privaat en publieke sektor, ingesluit die Provinsiale en Nasionale Regering, asook die Kredietburo en Plaaslike Nuusblad, beskikbaar gestel sal word.

 

    1. Die Raad behou hom die reg voor om die maksimum verbruike ten opsigte van water en elektrisiteit te bepaal.

 

    1. Die lopende heffings ten opsigte van enige dienste teen ‘n rekening gedebiteer, nie vir uitstel ingevolge die Raad se Kredietbeheerbeleid kwalifiseer nie, behalwe met die diskresie van die Wyksraadslid of die Munisipale Bestuurder.

 

    1. Dat die onus op die verbruiker berus om die Raad onverwyld van enige verandering in sy/haar finansiële posisie in kennis te stel.

 

    1. Die onus berus op die verbruiker om jaarliks as hulpbehoewende te herregistreer.  Indien die verbruiker versuim om te herregistreer sal alle voordele in terme van hierdie beleid wat die huishouding ontvang, gestaak word.  Die Raad behou hom die reg voor om die subsidie te kanselleer indien daar by herregistrasie en/of hersiening gevind word dat die begunstigde se omstandighede sodanig verander het, dat hy/sy nie langer daarvoor kwalifiseer nie. Herregistrasie vir die hulpbehoewendes moet jaarliks gedoen word en kennisgewing van herregistrasie aan die verbruikers gelewer word ten minste 3 maande voor 1 Julie van elke finansiële boekjaar.  Ten einde papier, tyd en liasseerruimte te bespaar, moet die voorheen voltooide, aangepaste subsisidevorm tydens herregistrasie gebruik word en slegs die vereiste nuwe dokumentasie, soos per paragraaf C(l) in die hulpbehoewende beleid uiteengesit, daarby aangeheg word, asook enige adresveranderinge, indien enige.   Die hersieningsdatum moet voor op die vorm aangebring word.

 

 

    1. Dat die aansoeker bewys van eienaarskap van die eiendom moet lewer indien die eienaar die aansoeker is, of ‘n geldige huurkontrak in die geval van ‘n subsidie huurder.

 

    1. Geen aansoeker of gade, mag ander vaste eiendom besit nie.

 

    1. Dat die installering van voorafbetaalde elektrisiteit en water, indien moontlik, outomaties deel van die registrasieproses vorm.

 

    1. Diefstal van enige munisipale dienste sal, behoudens die normale aksies, die totale diskwalifikasie van ‘n hulpbehoewende verbruiker met betrekking tot daardie eiendom tot gevolg hê.

 

    1. Indien die aansoeker agterstallig is met sy/haar munisipale rekening, moet hy/sy ‘n afbetalingsooreenkoms met die munisipaliteit aangaan waarvolgens hy/sy onderneem om ten minste R20.00 op die agterstallige rekening af te betaal. Geen administrasiekoste mag van die hulpbehoewende verhaal word tydens die invul van vorms nie en geen skulderkenningsvorms mag voltooi word nie.

 

    1. Dokumente benodig by aansoek/herregistrasie:

 

 

Die aansoeker moet die volgende oorspronklike dokumente tydens die aansoekproses indien:

 

-          jongste salarisstaat of betaalkoevert ten opsigte van aansoeker

-          jongste pensioenariskwitansie ten opsigte van aansoeker

-          jongste toelaekwitansie ten opsigte van aansoeker

-          identiteitsdokument van aansoeker

-          nuutste munisipale rekening

-          beëdigde verklaring van finansiële posisie van aansoeker

-          aantal vee. (Werkswinkel soos gehou op Vrydag, 19 Mei 2006)

 

    1. Dat alle subsidie verbruikers twee keer ‘n jaar moet aansoek doen vir oorweging en goedkeuring, maar dat die boperk verhoof word tot R2100.00 ten einde beide pensionarisse te akkommodeer.

 

 

  1. DISKWALIFIKASIE:

 

Diskwalifikasie sal outomaties in werking tree indien:

 

    1. enige vals inligting verstrek word, of indien daar op ‘n latere stadium vasgestel word dat vals inligting verstrek was in welke geval die plaaslike owerheid hom die reg voorbehou om ‘n regsgeding aanhangig te maak en/of aan te dring op terugbetaling van daardie bedrag reeds in subsidie deur sodanige persoon ontvang.

 

    1. skuldig maak of voordeel trek uit peutering, soos omskryf in die Invorderingsbeleid en die Kredietbeheer Verordeninge.

 

    1. weier tot die installering van vooruitbetaalde elektrisiteit en water, of waar die vooruitbetaalde water nie beskikbaar is nie, die installering van ‘n sperder.

 

    1. nie herregistreer op of voor die datum waarop dit gedoen moet word nie.

 

    1. waar die hulpbehoewende enige van die Hulpbehoewende en Invorderingsbeleid  en die Kredietbeheer Verordeninge oortree.

 

 

  1. BETALING VAN VOORDELE

(i)                  Bruto inkomste R       0–R1500.00 per maand – 100% subsidie. (Werkswinkel soos gehou op Vrydag, 19 Mei 2006)

(ii)                Bruto inkomste R      R1501.00–R2100.00 per maand – 50% subsidie.

 

  1. WAT BEHELS DIE GRATIS BASIESE DIENSTE WAT PER MAAND VERSKAF WORD:

 

(i)                  6 kiloliter water

(ii)                riool/sanitasie

(iii)              vullis

(iv)               50 eenhede kwh elektrisiteit

 

  1. AFBETALINGSOOREENKOMS

                                                                                                    

Inkomste kategorie: E (i) hierbo – R50.00. (Werkswinkel soos gehou op Vrydag, 19 Mei 2006)

 

  1. BEGRAAFPLASE:

Hulpbehoewende persone wie nie voorsiening gemaak het vir begrafnisdekking nie, kwalifiseer vir ‘n gratis grafperseel, of gevalle waar wel voorsiening gemaak is vir begrafnisdekking, maar die polis nie ‘n grafperseel insluit nie, kwalifiseer ook vir ‘n gratis grafperseel.

 

  1. BRANDBESTRYDING:

Hulpbehoewende persone wie nie versekeringsdekking geniet nie, kwalifiseer vir gratis brandbestrydingsdienste vanaf datum van inwerkingtreding van hierdie beleid.